Re: QongtaH'a' jatlhpu'wI'?

[Doq <doq@earthlink.net>]

tlhIngan Hol DajatlhlaHchu'mo' SoHvaD ngeD jatlhmeH Qu'. vaj maDo'  
bIleStaHvIS bIjatlhlaH.

naDev maw'choH ghu'. wejnetlh nuvpu'vaD QInmey vu'taH loS De'wI''a'.  
De'wI''a'meyvam'e' ropqu'choHlaw' wa' De'wI''a'. qalchoH QIn ngaSwI'  
law'. law' ghogh HablI' lo'wI' QeH. jachtaHvIS chaH meghwIj vISoplI'.  
tugh jI'IjnISqa'.

wejpuH.

Doq

On Apr 18, 2007, at 8:31 PM, Alan Anderson wrote:

> ja' Doq:
>> vogh qeplu''a'? Qu'mo' Dach'a' Hoch?
>
> jIQongrupchu' jIH.
>
> qaStaHvIS Hoghmey law' cha' Qu'vaD jIvumqu'.  puqwI' DuSaQ vIQaH;
> chen qoqqoq 'e' vIboQ.  'oH wIghun jIH wa' ghojwI' je.  cha'logh
> qoqqaD wanI'Daq 'ov qoq wey.  wanI' wa'DIch tev baj.  cha' vaQwI' van
> baj je.  wa' Hogh ret qoqqaD'a' wanI' ghoS 'ej pe'vIl 'ov weymaj,
> wejvatlh latlh je.
>
> quq Huch SuqmeH Qu'wIj  qen yaH chu' vIHev 'ej Qu' chu'
> vIghojnIStaHvIS Qu' ngo' ghojmeH latlh ghaH vIghojnISmoH.
>
> jIDoy'.  motlh jIleS neH vIneH.
>
> -- ghunchu'wI'
>
>