tlhIngan-Hol Archive: Sun Aug 06 19:38:01 2006

Back to archive top level

To this year's listing

• Index by Date
• Index by Thread
• Index by Author

Re: qep'a'

Alan Anderson ([email protected])

• From: Alan Anderson <[email protected]>
• Subject: Re: qep'a'
• Date: Sun, 6 Aug 2006 22:37:27 -0400
• In-reply-to: <[email protected]>
• References: <[email protected]>

ja' lay'tel SIvten:
> qep'a'Daq qaSpu' nuq?

puS qep'a' jeSwI'pu', 'ach law'bej qep'a' wanI'mey.

QIt mapaw.  'eq 'op; paS 'op.  mebpa'mey vaSDaq maba' 'ej majaw.  'uQ  
wISop wIneHDI', DuH cha' Qe'mey Sum.  "Diner" Sum law' "Denny's" Sum  
puS 'e' vISovmo', "Diner" vIwIv 'ej bepbe' latlhpu'.  Do'Ha' QIv  
wIvwIj; DoQe' 'oHbe'bej, 'ej jIv beq.  <ngem qIj nImjeD bIr>  
vutlaHchu'be'.  'ej wa' jeSwI' nIQSojmo' tIn mIS.  vaj wIvwI' DIb  
vISuqHa'.

<pegh mu'> wIQujbe'.  <'Iv jIH> wIQujbe'.  <DIjchu'> wIQuj.  nagh  
beQDaq vay' cha' wa' nuv 'ej mu'tlhegh pong ghap 'oSbogh loynIS  
latlhpu'.  <nuq 'oH> wIQuj.  <'Iv jIH> rurbej, 'ach nuv perbe' De'  
pegh.  Doch per.  Doch ngu'meH QujwI', latlhpu' yu'nIS, 'ej <HIja'>  
<ghobe'> joq neH jang net chaw'.

Quj chu' wIwaH.  much'a' mu'mey noy laD QujwI', tlhIngan Hol  
jatlhtaHvIS.  mu'mey mung much'a' ngu'nIS latlh, 'ej mu'mey qar  
jatlhnIS.  loQ Qap, 'ach chentaHvIS mamoDlaw' 'ej pupHa' mu'mey  
DIlaDnISbogh.

mabombej.  <taHjaj wo'> wIqIpchu'!  Dunbej najmoHwI' chu'; muDuQ.

tlhIngan QumwI' cham wInuD.  mu'tlhegh Qatlh lInglaH SeHlaw mach.   
http://www.eatoni.com/wiki/index.php/Demos#For_Alien_Devices yIHotlh.

qaStaHvIS qep'a' tlhoy "Firefly" "Serenity" luqellu' jay'.

qaS latlh law'.  ja'jaj latlh.

-- ghunchu'wI'

• References:
  • qep'a'
    • From: [email protected]

• Prev by Date: Re: qep'a'
• Next by Date: Klingon WOTD: rech (verb)
• Previous by thread: Re: qep'a'
• Next by thread: How do you say "pizza" in Klingon?
• Index(es):
  • Date
  • Thread
  • Author

Back to archive top level