tlhIngan-Hol Archive: Wed Jul 28 18:48:17 2004
[Date Prev][Date Next][Thread Prev][Thread Next]
RE: Bye
ghItlh jI'qel ghojwI':
> ghuy'cha'! tagha' tlheghvo' SuStel bothla'ta', lay'tel
> Paul je. SuStel QInmey ghunchu'wI' QInmey Daleghbe' 'e'
> DawIvmo', Paul, qaS wanI'vam 'e' DaSovbe'.
>
> pIch boghajbej tlhIH. thleghvam boqalta'. Qujmey QIp
> boQuj 'e' boqap, 'ej HochHom Hol po'wI' bomejmoH. 'ej
> SaHbe'law' Holtej 'angghal je. tlhIngan Hol po'wI' moj
> 'e' vItulpu', 'ach tlheghvamDaq ratlhchugh rurbogh tlhIH
> nuQwI'pu', taghwI' pab po'wI' vImoj vIneHbe'bej.
jISaH 'ej jISaH. 'ach ghomvamDaq Dochbe'meH Hoch, 'avwI' jIHbe'. cha'
chutHey neH ghaj ghomvam. bIvba'DI' vay', motlh bIvwI' vIrI' (ghom
vISujbe'). Dochchugh vay', 'ach bIvbe', motlh jInISbe'. (taghchugh mu'qaD
veS 'ej DIvI' Hol lo'lu'chugh, reH SIbI' jIvang.) Dochbe' Hoch 'e' poQbe'
ghomvam chutHey. naDev nen Hoch (net tul); ghu bejwI' jIHbe'.
tlheDQo' SuStel 'e' vItul. ghaqbej. SIjba'. rut pIm vuDwIj vuDDaj je, 'ej
reH ngoDvam vItlhojDI' vay' vIghoj. ngabchugh maDo'Ha'bej.
> tlheghvam tIvlaHnIS Hoch. tlheghvo' Hoch botlha'lI'.
> tugh ratlh lay'tel Paul je. Dun'a'?
>
> jIyonHa'qu' 'ej jIQuchHa'. tlhIngan Hol vIjegh tuneHmoH
> je.
bIjeghchugh maDo'Ha' je. nItung 'e' yIchaw'Qo'.
> jI'qel ghojwI'
> <batlh wo' yejHaD je vItoy'mo' jIHem>
--Holtej