tlhIngan-Hol Archive: Thu Jul 01 17:29:41 2004
[Date Prev][Date Next][Thread Prev][Thread Next]
Re: tlhIngan Hol vIlo'chugh...
- From: "QeS lagh" <[email protected]>
- Subject: Re: tlhIngan Hol vIlo'chugh...
- Date: Fri, 02 Jul 2004 10:29:00 +1000
- Bcc:
ghItlhpu' ma'Sa:
>tlhIngan Hol Sulo'chugh, vIlajbej! tlhIngan Hol Sujatlhchugh 'ej
>SughoHchuq, vIparHa'qu'! tlhIngan Hol vIghoj muQaH.
tlhIngan Hol Dalo' 'e' DanIDmo' jIbelqu'. 'ach jabbI'IDlIjDaq cha'
QaghHommey vIlegh. roD Sojmeyvam QIj taghwI' pabpo'. QInlIj pab lughmoHmeH
taghwI' pabpo', QInlIj Soj mu'tlheghDaq <KLBC> yIghItlh.
DulughmoHpu'be'mo' taghwI' pabpo', QInlIjDaq QaghHommey qacha':
wa': rom chut yIqawtaH. paq {qIb lengwI' tlhIngan Hol}Daq rom chut Del MO:
"agreement" 'oS tlhIngan mu' {rom}. bIjatlh {tlhIngan Hol Sulo'chugh}.
{tlhIngan Hol bolo'chugh} yIjatlh; {tlhIH-'oH} 'oSmeH, moHaq {bo-) yIlo'.
mu'tlhegh vangwI' 'oSnIS wot moHaq, 'ach mu'tlhegh DoS 'oSnIS je. (tlhIngan
Hol vIjatlh 'e' vItaghDI', Qagh rap vIqaSmoHtaH. rut Qaghvam
vIqaSmoHtaHqu'... {{:)
cha': wot mojaq {-meH} yIqawtaH je. {tlhIngan Hol vIghoj muQaH} bIjatlh.
mu'tlheghlIj vIyajchu'chugh, "it helps me to speak Klingon" bIjatlh DaneH.
qarchugh ghu'vetlh, {tlhIngan Hol vIghojmeH muQaH} yIjatlh.
'ach qar tlhIngan HollIj HochHom, 'ej vIyajlaH. Hol quv yIlo'taHqu'!
Savan.
QeS lagh
_________________________________________________________________
Get a Virgin Credit Card and win an adventure:
http://ad.doubleclick.net/clk;8661322;9498324;s?http://www.promo.com.au/virgincreditcard/firstbirthday/track.cfm?source=N92