tlhIngan-Hol Archive: Mon Feb 23 13:23:19 2004

Back to archive top level

To this year's listing

[Date Prev][Date Next][Thread Prev][Thread Next]

[tlhIngan-Hol] Re: *Lindt* yuch <<qIb lengwI' tlhIngan Hol>> je

Agnieszka Solska ([email protected]) [KLI Member] [Hol po'wI']

lab QeS lagh:

:<<qIb lengwI' tlhIngan Hol>>Daq jIleghpu':
:
:<<motlh na'ran rurbogh Soj HaQchor rurbogh Soj
:je Sopbe' tlhIngan; 'ach yuch watlh muSHa'qu'law'."
:
:"Despite the general absence of sweet foods from their
:diet, Klingons tend to be quite enthusiastic about
:<yuch> "chocolate", at least in its purest forms."

QeS lagh pIlmoH De'vam. yuch qelbogh QIn'e' ghItlh:

:*Lindt* 'oH yuch vutwI' malja''e'. chorghmaH vagh
:vatlhvI' yuch qurgh ngaSbogh yuch Segh lungev;
:yuchna' mummeH yuchvam vIje'. Human jatvaD wIbqu'
:yuchvam, HaQchor rurbe'qu'chu'. ratlh mumtaHqu'ghach
:wIb yuch ghuplu'pu'DI'. tlhIngan bang 'oH yuch watlh'e'
:DaH 'e' vIyajchu'. {{:)

bIlugh, QeS lagh. yuch watlh'e' lumaSbej tlhInganpu' 'ach wej yuch watlhqu' 
DawaH. 85 vatlhvI' yuch qurgh ngaSbogh yuch Segh DawaHchugh vaj yuchna' 
DawaHbe'.

wej yuch watlh Seghmey ngev *Lindt*.

75 vatlhvI' yuch qurgh ngaS wa' Segh. wIb Seghvam 'ach wIbqu'be' 
watlhqu'be'ba'mo' yuchvam.

85 vatlhvI' yuch qurgh ngaS latlh Segh. Seghvam'e' DawaH. wIbbej 'ach 
yuchna' 'oHbe' watlhchu'be'mo' yuchvam je. Human jatvaD neH wIbqu' 'ach 
ghaytanHa' tlhIngan jatvaD wIbqu'.

latlh yuch Segh ngev *Lindt*. 99 vatlhvI' yuch qurgh ngaS yuch Seghvam. 
le'qu'. watlhqu'. wIbchu'. tlhoS yuchna' 'oH. yuch Seghvam luSIQlaHbe' 
Humanpu' HochHom. lumumDI' jatchaj meQlaw'. ngoDvammo' qub yuch Seghvam. 
lungev Soj Suypu' puSqu' neH.
'op ben juppu'wI'vaD yuchvam vIje'. qaStaHvIS cha' jaj luwaH wa'maH nuv. 
luwaH 'ej luwaHtaH 'ach ... not luSopchu'! DorDI' cha' jaj poH, ratlh yuch 
HochHom!

toH, tlhIngan DaDa DaneHchugh 'ej yuchna' DaSopvIpbe'chugh vaj yIruch! 99 
vatlhvI' yuch qurgh ngaSbogh yuch Segh yIje'! yIwaH! jatlIj meQbogh qul 
wIb'e' yISIQ! qulvam DatIvchugh vaj tlhInganna' Darurbej. {{;-)

:SKI: Ensign QeS has gained an insight into why Klingons
:like chocolate.

SKI: 'ISqu' questions Ensign QeS's belief that he has gained insight into 
why Klingons like chocolate and challenges him to go for the "real thing." 
:)

:Savan.

qavan.

'ISqu'

_________________________________________________________________
MSN 8 with e-mail virus protection service: 2 months FREE* 
http://join.msn.com/?page=features/virus

Back to archive top level