tlhIngan-Hol Archive: Sat May 31 18:13:45 2003
[Date Prev][Date Next][Thread Prev][Thread Next]
buy' ngop - naQ qep'a' jeywIj
- From: Alan Anderson <[email protected]>
- Subject: buy' ngop - naQ qep'a' jeywIj
- Date: Sat, 31 May 2003 18:07:33 -0500
July 30 tagh qep'a' wa'maHDIch net Sov. August 3 rIn. Do'Ha' August 2 nay
be'nalwI' lor. tay wIbej jIH qorDu'wIj net pIH. qaStaHvIS vagh jar jISot.
potlhbej qep'a' muchmey. Saturday pov Kentucky-Daq tlhogh vIleghchugh,
chay' Saturday choS jIcheghlaH? DuHmey puS vInUD. chaq muHIjlaH 'orwI'
vISovbogh. Do'Ha' waghqu', 'ej ghaytan qep'a' vIpawqa'DI' jIpaSqu'.
qen muja' be'nalwI': lorwI''e' ghaH. tlhogh tayDaq SuSaHnISbe'. qep'a'
naQ yItIv. SoHvaD potlhqu' 'e' vISov.
vaj qaStaHvIS qep'a' Hoch maSaHrup jIH puqloDwI' je. chong yIn!
-- ghunchu'wI'