tlhIngan-Hol Archive: Tue May 27 20:28:35 2003

Back to archive top level

To this year's listing

• Index by Date
• Index by Thread
• Index by Author

chegh Deb qul

• From: Eric Andeen <[email protected]>
• Subject: chegh Deb qul
• Date: Tue, 27 May 2003 18:21:32 -0700

jIQuchqa'. qaStaHvIS jav ben loQ mu'IQmoH muD Dotlh, 'ach DaH jIQuchqa'.


Deb vIDab net Sovlaw', 'ej roD naDev muD tuj law', HochHom tera' 'ev
chan muD tuj puS. qaStaHvIS DIS poH bIr, bIrqu'be'mo' muDmaj, vengvam
DabwI' ghal HochHom nuvpu'. 'a DIS poH tuj vImaS jIH.

qen qaS wa'vatlh °F (wejmaH chorgh °C) jajmaj wa'DIch, 'ej tujchoHtaH
jajmey. Hoch DIS wa'vatlh wa'maH °F (loSmaH wej °C) jaj wISIQ, 'ej roD
wa'vatlh wa'maH vagh °F (loSmaH jav °C) jaj wISIQ je. Hat qonlu'taHvIS,
cha' wa'vatlh cha'maH cha' °F (vaghmaH °C) jaj DISIQta'.

Hur tujqu' vIjaHDI', SIbI' muHIvlaw' qul. DIrwIjvo' HeDtaH bIQ, 'ej
HomDu'wIj yot tuj. tlhuHmoH. QIt DIrwIj meQ pemHov je, 'ej ngoDvam neH
vIpar. 'ach jIyep: mIvHom vItuQtaH, 'ej DIrwIjDaq Qanbogh taS vIlan.

mavumnISbe'taHvIS, pIj juHmaj retlh Hemey DIlengmeH mayIt jIH, be'nalwI'
je. balDaq chuch vIqeng. nom tet, 'ej bIQ vItlhutlh. puSqu' latlh
yItwI'pu'. 'IHqu' chal Huv, 'ej wovqu' pemHov. tam qo' 'ej jot. QaQ yIn.

pagh 

• Follow-Ups:
  • RE: chegh Deb qul
    • From: "DloraH" <[email protected]>

• Prev by Date: Re: tlhobqa'qu' taghwI'
• Next by Date: Sup vs 'ep
• Prev by thread: RE: puvlaH SajwIj
• Next by thread: RE: chegh Deb qul
• Index(es):
  • Date
  • Thread
  • Author

Back to archive top level