tlhIngan-Hol Archive: Tue Jul 01 18:12:20 2003
[Date Prev][Date Next][Thread Prev][Thread Next]
Re: Hu
ooooooo . . . qIDvetlh mIghmo' qa'meH vIttlhegh DajatlhnIS . . . . oh, uh .
. . .
SuStel
Stardate 3498.8
----- Original Message -----
From: "Eric Andeen" <[email protected]>
To: <[email protected]>
Sent: Tuesday, July 01, 2003 5:03 PM
Subject: Hu
> Qotmagh HuDaq vum Ha'DIbaH nov tej. wa' jaj, paw chovnatlh le'qu'. loQ
> tIqnagh rur, 'ej mungDaj yuQ pong lujatlhlaHbe'chu' tlhInganpu' (Humanpu'
> je), chovnatlh chu'vaD <Hur'Iq tIqnagh> lupong. qubqu' Ha'DIbaHvam:
> Qo'noSDaq cha' latlh neH tu'lu'. HoSghajqu' Hur'Iq tIqnagh, 'ej ral. 'ong,
> 'ej wamDI' po'qu'. 'ach Huj wa' ngoD: Hur'Iq tIqnagh vuQchu' qul. qul
> leghDI', mev 'ej qul bejtaH. meq Sovbe' tlhIngan tejpu', 'ach chovnatlh
chu'
> HaD 'e' Hechbej Qotmagh Hu tej.
>
> peghmo' Ha'DIbaH leng nab, 'ej 'eqmo', pawDI' lajrupchu'be' Hu. nom mo'
ru'
> luchenmoH tej, boQDaj je. Do' ghu neH 'oH chovnatlh chu', 'ach
HoSqu'be'mo'
> mo' ru', chaq narghlaH Ha'DIbaH, QeHchoHchugh. ramvetlh, Qaplaw'taH mo'
ru',
> 'ej tInqu'bogh mo' ru'Ha' 'ej HoSqu'bogh luchenmoH latlh Hu vumwI'. po
veb,
> chovnatlh HaDmeH luch SuqmeH mejnIS tej. boQDajvaD jatlh <jIDachtaHvIS,
> Ha'DIbaH DajIHnIS. tugh jIchegh.>. jeQqu'be' boQ, 'ej jatlh <QeHchoHchugh
> Ha'DIbaH 'ej nargh 'e' nIDchugh, chay' vISeHlaH?>. mon tej 'ej jatlh:
>
> DopDaq qul yIchenmoH QobDI' ghu.
>
> pagh
>