tlhIngan-Hol Archive: Sun Dec 07 15:20:09 2003
[Date Prev][Date Next][Thread Prev][Thread Next]
Saarbruecken qepHom
- From: "Agnieszka Solska" <[email protected]>
- Subject: Saarbruecken qepHom
- Date: Sun, 07 Dec 2003 21:24:30 +0000
qaStaHvIS wej jaj SaarbrueckenDaq qaS qepHom. Dun. vItIvqu'.
qepHommey bIHbe'bej qepmey'e' cherta'bogh Quvar. qep'a'meyna' bIH. reH jeS
jatlhwI'pu' law'. reH paw Sepmey Sar nganpu' 'ej reH Qap wanI'.
DISvam jeSwI'pu' vItoghbe'. jeSlaw' wa'maH chorgh nuvpu'.
juppu'wI' vIleghqa'mo' jIQuch. jatlhwI'pu' chu' vIqIHmo' jIQuch je.
Doj HochHom 'ach Dojqu' cha' jeSwI'pu': Senara, Philip je.
leghlaHbe' Senara 'ach pe'vIl tlhIngan Hol HaDtaH. mu'mey law' Sov,
mu'tlheghmey chenmoHchu' 'ej QaQ QIchDaj.
Dojqu' Philip je. 'op wen neH tlhIngan Hol HaDchoH 'ach DaH law'bej SovDaj:
qaStaHvIS qepHom "Certification Test" patlh wa'DIch, patlh cha'DIch je chav!
jabbI'IDghomvam muvta' Philip. Do'Ha' QInmey laD neH, not lab. chaq DaH
labchoH.
'ISqu'
_________________________________________________________________
Add photos to your messages with MSN 8. Get 2 months FREE*.
http://join.msn.com/?page=features/featuredemail