tlhIngan-Hol Archive: Sat Aug 23 18:18:12 2003

Back to archive top level

To this year's listing

• Index by Date
• Index by Thread
• Index by Author

New Zealand

cheesbro ([email protected])

• From: [email protected]
• Subject: New Zealand
• Date: Sat, 23 Aug 2003 19:16:06 -0400 (EDT)
• User-Agent: IMP/PHP IMAP webmail program 2.2.6

pImqu' New Zealand  USA je.
taQqu'.

Maori ghaH puqwI'... net Sov...
naDev Maori nugh vIghoj.

SuchwI'pu'vaD lop'e' muchlu'bogh tu'lu'.
lopvaD Sung Da SuchwI'.
paghDIch mIwvaD  SuchwI'pu' voDleHHom DameH wa' SuchwI' wIv Hoch.
voDleHHom vIgheS jIH net wIv.
tuqvam SuchmeH tIjwI'ghomwIj vIDev.
mapaw.
Sung voDleHHom vIchol.
muqaD.
lamDaq tlhegh ghItlhmeH yavDaq naQ lan.
nuHDaj yan ghaH.
naQ vIgho'chugh jIghob; naQ vIwoHchugh jIroj.
DISuchmeH naQ vIwoHnIS.
vIwoH.
SoQ jatlh Sung voDleHHom.
ghIq SoQ vIjatlhnIS!
va.  SoQ jatlhmeH jIpo'be'.
nuq mu' vIjatlh.
ghu'vamvaD QIpbej vay' vIjatlhbogh.
SeQnIS.
hmm, vaj, quvwIj vIQanmeH... Maori Hol vIjatlh!
Hoch vImer.  Maori Hol jatlhbogh SuchwI''e'.
mu'tlhegh puS neH vIjatlh, 'ach batlh jIjatlh.
(qaStaHvIS jar puS  Maori Hol vIghoj net Sov.)
ghIq wup 'ej mI' chaH.
maSop.
lop wItIv.

Maori nuH 'oH tay'Iy'aHa-'e' (taiaha).
nughvam nuH'a' 'oH.
Dat SuchwI'vaD nuHqoqmey luchenmoHlu'bogh luSamlu'.
'ach Maori ghaH Ebben, vaj maHvaD Maori-na' chenmoHwI' lIH Suy.
maHvaD tay'Iy'aHa-na' chenmoH.
nuq 'oH tay'Iy'aHa-'e'?...
naQ 'oH.
loS 'uj 'ab.
ngawDeq rur megh'an.
qab jat je 'oH 'er'In; QIn rur jat.

DISDaq jIleng.
yavDaq 'oHtaH DIS.
wejvatlh 'uj Saw' DIS.
'elmeH tlheghDaq jIghIr... wejvatlh 'uj.
ghIq jItoS.

wa'leS qach runHa'qu' yorvo' jIpum... javvatlh 'uj.


DloraH

• Prev by Date: Re: Grammar Question
• Next by Date: Re: Qatlh HTML
• Prev by thread: Re: Grammar Question
• Next by thread: Klingon WOTD: 'ejyo'waw' (n)
• Index(es):
  • Date
  • Thread
  • Author

Back to archive top level