tlhIngan-Hol Archive: Mon Sep 09 13:13:05 2002
[Date Prev][Date Next][Thread Prev][Thread Next]
Re: EK: ghomqa'ghach
>tera'Daq malengtaHvIS pIj Hoplaw' chuqmey. 'ach Hopbe'bej. mach
>yuQvam. machmo' bong nuv ghomqa'meH ngeD. 'ach qaSchugh wanI'vam rut
>numer.
>
>wa' Hogh ret juppu'wI', nI'taQ, Quvar je vISuchmeH Germany vIghoS.
>PolandDaq muD Duj vItIjpa' yaSvaD leng chaw' (=passport) vI'angnIS.
>loS qabDu' law', jIloS jIH je. jIloSlI'vIS pe'vIl mubej wa' loD. loQ
>muyIv ghu'vam 'ach tlhoy' muyIvbe'bej. jIHvaD jIjatlh: <<mubej
>neHchugh Qovpatlhvam vaj mubejjaj. jISaHbe'.>> vIbuSHa'taHvIS latlh
>raQpo'pu' vIlegh. cha' Japan puqpu' vItu'. nIteb lenglaw'taH. chaH
>tlhejlaw' pagh nenwI'. ngoDHeyvam vIqelchoHDI' pay' muja'choH
>mubejtaHbogh loD. mughel: <<qanuQmo' jItlhIjneS 'ach Agnieszka
>'oHbe''a' ponglIj'e'?>>
>loDvam qab vInuD 'ej SIbI' vIghov. jIjach; jIjatlh <<qaleghneS, Zbig!>>
>ben law' 'ampaSDaq nItebHa' HolQeD wIHaD. rInDI' paQDI'norgh not maghomchuq.
>
>muD Duj wItIjmeH lupwI' wI'el. ghoSchoHDI' lupwI' nuja' vay'; jatlh
><<toH, Agnieszka, Zbig! tughov'a'?>> matlhe'egh 'ej latlh jupma' qan
>wIlegh! 'ampaSmajDaq maHaDtaHvIS HaD ghaH je. ghIq Japan ngan naymeH
>Japan ghoS. jajvetlh Spain lujaHtaHvIS, ghaH puqpu'Daj je.
>
>toH, mach yuHqo'maj. ghomqa'ghach SIQlu'meH Qatlhbe'bej.
>
>'ISqu'
>
>PS per EK vIlo' 'ach jIQaghchugh jabbI'IDvam vIqontaHvIS,
>QaghmeywIj tIlughmoH.
'ISqu',
lutlIj vItIv. qatlho'. 'ach <yuHqo'> 'oS nuq?
tulwI',
sts.