tlhIngan-Hol Archive: Fri Oct 04 12:16:45 2002
[Date Prev][Date Next][Thread Prev][Thread Next]
'orwI' jIHchoH
- From: "d'Armond Speers" <[email protected]>
- Subject: 'orwI' jIHchoH
- Date: Fri, 04 Oct 2002 11:16:20 -0600
qaStaHvIS jar puS, 'ormeH mIw vIHaD. 'ormeH chaw' vIbajmeH Hoch Hogh jI'or.
'ormeH chaw' vISuqmeH loSmaH rep jI'or net poQ. DaH wa'maH cha' vI' jav
rep (12.6) vIghaj.
jIHvaD ngeDqu' 'ormeH mIw. jISallaH, jIghIrlaH, jIlolmoHlaH. yavvo'
maSalmeH muDDuj vI'orlaHchu'. 'ach muDDuj vISaqmoHmeH jIqeqnISba'.
ngeDbe'bej mIwvam. wa' Hogh ret jISaqtaHvIS, jISaqchu'. ghaytan mu' {tun}
lo' tera'ngan. Doj 'e' maq ghojmoHwI'wI'.
"yav DuSaQ" je vISIQ. Hoch Hogh, cha' ram ghom ghojwI' law'. 'ormeH mIw
wIHaD; qum chut DIHaD; 'ormeH QeD wIHaD; muD wIHaD; QummeH mIw DIHaD; muDDuj
pat DIHaD; latlh De' je. Daj ('ej 'ut), 'ach rut De' 'Iq vIHev. pIj
jIHaDnIS.
tugh nIteb muDDuj vI'or 'e' vInab. ghaytan jav Hogh qaS wanI'vam.
jIHoH'eghbe'chugh, ghomvaD wanI' vIDel.
Dop SuD yIyoyHa'moHtaH.
-- Holtej ('utlh; Qel; HoD; wa' yIwIv)
--
d'Armond Speers, Ph.D.
[email protected]
_________________________________________________________________
Send and receive Hotmail on your mobile device: http://mobile.msn.com