tlhIngan-Hol Archive: Tue Jan 08 22:29:41 2002
[Date Prev][Date Next][Thread Prev][Thread Next]
Re: bo'Degh
DaHjaj HolQeD vIHevpa', maja'chuqtaH puqloDwI' jIH je. naDev mu'mey
vIlaDpu'bogh DIpoj. mu' neH vISov; Ha'DIbaH pongbogh vIDellaHbe'.
bo'Deghmey bIH 'e' neH vISov.
nom cha'Do' cha'bIp cha'qu' je vIyaj. waqboch vIghovDI' jIjachqu'.
'uSgheb vIloypu' je.
ja' Qov:
>DavI', Da'nal, notqa', qa'rol, qanraD, waqboch, neSlo', parbIng je vIpIH
>'ach jIjIvmo' vI'ollaHbe'.
HolQeD vIlaDtaHvIS, mu'mey vIjatlh. Da'vI' Da'nal je QoyDI' puqloDwI',
SIbI jIHvaD QIj. 'ongbej ghaH.
ngeD notqa'. po Ha'DIbaH 'oH. :-) wej qa'rol vIghov.
qanraD QIjlu'pu': "Bye Bye Birdie" ghe'naQHom nuv ghaH "Conrad
Birdie"-'e'. ("Elvis Presley" rurqu'.)
tlhaQqu' waqboch qID. "New Zealand" Dab tera' waqboch.
neSlo' vIpojtaHvIS, "Mary Kate & Ashley" vIQul. "Mirror twins" chaH 'e'
vIpIH, 'ach "fraternal twins" neH chaHmo' vImerlu'.
>latlhmey?
Saj 'oHchugh (ghaHchugh?) vIlInHoD, lugh wa' pong neH.
>ghotI' vImaS.
'IHqu'bej mu'vam.
-- ghunchu'wI' 'utlh