tlhIngan-Hol Archive: Wed Feb 20 22:16:48 2002
[Date Prev][Date Next][Thread Prev][Thread Next]
RE: jaS jIchegh
jIja'pu':
>...jIH latlh je jughojmoH SoH. latlh vIghojmoH jIH. latlh
>ghojmoH chaH. reH DuSIgh ghojmoHwI'lI'.
ja' charghwI':
>ghojmoHwI' vImoj not vIneH...
>
>QaHwI' neH vImoj vIneH. reH maghojchuqmoHtaH. ghojwI' chaH Hoch'e'. ghojmoHwI'
>chaH Hoch'e'.
vaj mu'meywIj vIchoHmoH:
SoHmo' maghoj jIH latlh je. jIHmo' ghoj latlh. chaHmo' ghoj latlh.
tlhIngan Hol jatlhwI' qun 'ay' SoHbejtaH. valqu'wI' SoH 'e' luqaw 'op.
qejqu'wI' SoH 'e' luqaw 'op. yajqu'wI' SoH 'e' luqaw 'op. ghoHqu'wI' SoH
'e' luqaw 'op. Daqaw'lu'bej.
>...nI'chu' <reH>. QopchoHchu' HuD'a'. 'eng jeDHa' moj yuQ 'ej ngab. meQchu'
>Hov 'ej bIrchoH 'ej 'eng moj 'ej ngab. rInpa' <reH> ngab Hoch.
bov DapIHbogh SIghlaw' qunlIj chIm. yImach'eghmoHQo'.
>ngajchu' yInmaj, qawlI'ghachmaj je. maHemDI' maDogh.
>'ach jIHem 'e' vItIv. vaj jIHemtaH. jIDogh 'e' vISaHbe'.
maj. Ha', maDoghtaHqu'. ta'mey Dun DIta'jaj. bommey Dun DIqonjaj.
maDoghnISchugh, maDoghchu'jaj!
-- ghunchu'wI' 'utlh