tlhIngan-Hol Archive: Fri Feb 15 14:20:05 2002

Back to archive top level

To this year's listing



[Date Prev][Date Next][Thread Prev][Thread Next]

Re: jaS jIchegh




>ghIq malopbej, 'ach wanI' vIDelQo'. chaq QInvam laDlaH puqpu' net Sov.

jIyajchu'. not mev parmaq peghmey.

> > Sajmey toD bangwI'. toDbe'lu'chugh, Sajmey HoHlu'. mu'ItmoH ghu' 'ach
> > vangchu' bangwI'. muHemmoH.
>
>maj. chay' toD? nuqDaq yInlaHtaH?

rut juHwIjDaq yInlaH Sajmey toDlu'bogh, juH ru'Ha' SamtaHvIS bangwI'.
DaHjaj wej Sajmey toD. (Human Sajmey motlh bIH. vIghro' rurbe'.) wa'leS
juHwIjDaq paw wa' Saj. cha' latlh juH ru'Daq yInchoH cha' latlh Saj.
tugh SajmeyvamvaD qorDu'pu'na' Sam 'e' tul bangwI'.


> > toDwI'pu'vaD qep tu'lu' 'ej jeSmeH bangwI' vIDIl. puHlIj monDaq qaS qepvam.
> > vengvaD rIchmonDI' ponglu'. (HuDmIp?) Hopbe' SoH vengvam je, qar'a'?
>
>veng'a'vam vISovchu'. pa' jIboghpu'. pa' luDab SoSwI', be'nI'wI', 
>juppu'wI' je.

wej ben vengvam vISuch. pa' molyotlh 'IH tu'lu'.


> > qep tIvqu' bangwI' 'ej qaStaHvIS loS jaj jImob 'e' vItIv.
>
>jIyaj. tlhuHtaHghach rur. qoD ghoSchu'pu'DI' muD, Hur ghoSnISchoH muDvam.
>Sutlhej'eghpu'DI' SumobnIS. Sumobpu'DI' SutlhejchuqnIS.

bIyajchu'. Do' yajchu' je bangwI'.


> > >pIj HIq vItlhutlh. reH HIq tlhutlh HochHom tlhInganpu' net Sov, 'ach 
> HuvtaH
> > >yabwIj 'e' vImaS. reH Suvrup SuvwI''a' net Sov.
> >
> > jIchechchoH 'e' vIHechbe'bej. jIpujchoHlaw'.
>
>Do'Ha'.
>
>Do' DuSambe' jeghlI'.

Qobbe'. muDech juppu'.


> > > > ghotI' 'ey vISop 'ej jIyon. pItlh.
> > >
> > >maj. ghotI' vItIv 'ach roD naH neH vISop. rut ghotI' DISop bangwI' jIH 
> je,
> > >'ach
> > >not Ha'DIbaH Sop bangwI' puqbe' ngotlh 'ej Sopchugh latlhpu' bep puqvam.
> >
> > jIQuptaHvIS not Ha'DIbaH vISop 'ej jIngotlh. 'a DaH jIqan. rut Ha'DIbaH 
> vISop
> > 'ej vItIv. jIngotlhHa'.
>
>roD naH neH vISop. rut ghotI' vISop. roD bo'Degh, puH Ha'DIbaH je
>vISopQo', 'ach vay' vItIch vIneHbe'. vItIchbe'meH, rut Ha'DIbaH vISop.
>jIngotlhbe'.

bIQuptaHvIS, bIngotlh'a'? jIqanchoHtaHvIS, mungotlhmoH wanI'mey pIm.
Soj'e' Sopbogh latlh vISaHbe' 'ach Soj vISopbogh jIH vISaHbej. Doghchugh
latlh, jISaHbe'. jIDoghchugh, jISaHbej!

jImut'a'? ghobe'. latlh Duj vIchIjlaHbe'.



Back to archive top level