tlhIngan-Hol Archive: Mon Feb 04 20:04:36 2002
[Date Prev][Date Next][Thread Prev][Thread Next]
Re: Translating into Klingon
ja' Qov:
>A challenging story to write would be one about topics poorly covered in
>our vocabulary, and with a complicated time structure.
>[...]
>Another idea that I like is to take a Star Trek episode, any one, and make
>a short summary in Klingon. It's a good way to go if you're short on ideas.
toH! TOS lut lI' vIchuplaH: wa'Hu' 'oH wa'leS'e'
wa' TNG lut vIDel vIneH, 'ach chay' vIta'laH?
taghDI' lut, paw' 'entepray', narghpu'bogh Duj je. ra' pIqarD HoD: Duj
yIlon Hoch beq! toD'eghlaHpa' vay' jor 'entepray'. Heghba' Hoch.
pay' mIch ngIvtaH 'entepray'. qaS wanI' ramqu'. wabmey Qoy Qel. tugh
nargh Duj. paw' 'entepray', narghpu'bogh Duj je. ra' pIqarD HoD: Duj
yIlon Hoch beq! toD'eghlaHpa' vay' jor 'entepray'. Heghba' Hoch.
pay' mIch ngIvtaH 'entepray'. qaS wanI' rapqu', 'ach nIbbe'. nIbpoH
SIQlaw' beq. wabmey Qoy Qel. tugh nargh Duj. paw' 'entepray',
narghpu'bogh Duj je. ra' pIqarD HoD: Duj yIlon Hoch beq! toD'eghlaHpa'
vay' jor 'entepray'. Heghba' Hoch.
pay' mIch ngIvtaH 'entepray'. qaS wanI' rap, 'ach nIbbe'qu'. nIbpoH taQ
SIQlaw' beq. wabmey qon Qel. ghu' lupoj yaS. QeDpInvaD QumwI'Hey 'ogh
jonpIn. tugh nargh Duj. paw' 'entepray', narghpu'bogh Duj je. qech Suq
QeDpIn 'ej jabbI'IDHey lab. ra' pIqarD HoD: Duj yIlon Hoch beq!
toD'eghlaHpa' vay' jor 'entepray'. Heghba' Hoch.
pay' mIch ngIvtaH 'entepray'. qaS wanI' Hujqu'. tlhoy mI' <loS> leghlu'.
tugh nargh Duj. tlhoS paw' 'entepray', narghpu'bogh Duj je 'ach qaSpa'
Qugh, qech yaj QeDpIn 'ej Hoch toD. Do'Ha' DISmey law' chIlpu' latlh Duj
HoD beq je...
-- ghunchu'wI' 'utlh