tlhIngan-Hol Archive: Mon Feb 04 13:47:17 2002
[Date Prev][Date Next][Thread Prev][Thread Next]
peghwIj 'anglu'
- From: Qov <[email protected]>
- Subject: peghwIj 'anglu'
- Date: Mon, 04 Feb 2002 10:36:55 -0800
DaHjaj po jIvumtaHvIS jatlh latlh vumwI': tlhIngan Hol Dajatlhchu''a'?
jIjatlh: Dujatlh 'Iv?
ja'wI' pong jatlh, ghIq jatlh: tlhIngan mu' vISov vIneH. HIghojmoH.
mapuv'a' jIjatlh 'ej vIQIj. (wej nuvvaD jIwuqmo' jIH, reH mughelnIS mapuv'a'?)
'IjchoH latlh vumwI' 'ej mumey puS vInob.
mapuvtaHvIS, ghorvo' gheltaH ghaH. maSaqpu'DI', Duj leng paqDaq
vIghItlhtahvIS, qeqtaH. DaH nuqneH, mapuv'a', bIjatlh'e' yImev, naDevvo'
yIghoS, juH yIghoS je jatlhlaH *Nate*. tIvlaw' 'ej nom ghoj. mumer ghu'.
wa'leS yaHDajDaq "bong" tlhIngan mu'tlhegh vIlan.
tugh yaj Hoch vumwI'pu'ma' jIjatlhDI' <DaHjaj mapuv> pagh <DaHjaj mapuvbe'.>
<muD Dotlhmo'> <QapHa'mo' Duj> <Duj nuDlu'lI'mo'> vIchelchugh, not chaHvaD
DIvI' Hol vIjatlhnIS.
SKI: Qov's co-workers develop a sudden interest in Klingon, and one of them
is quite good at it.