tlhIngan-Hol Archive: Tue Apr 16 01:26:51 2002

Back to archive top level

To this year's listing



[Date Prev][Date Next][Thread Prev][Thread Next]

Re: to' nech, 020: {ram tIghoSlI'.}



jIja'pu':
>...mu'tlheghHommey QIp tIlon.

ja' "Sean M. Burke" <[email protected]>:
>Thanks for the ignorant abuse, Aloy!

chomawta'.  jupwIj SoH 'e' Dabajpu'be'.  pongwIj yImachmoHQo'.

jIjIvbe'ba'.  qaStaHvIS Soch DISmey tlhIngan Hol vIHaD.  tlhIngan Hol
vIghoj.  tlhIngan Hol vIjatlhqu'.  lutmey law' vIqonta'.  maja'chuqta' jIH
latlh law' je.  laHwIj vItobpu'.  SovwIj vItobpu'.  rut pIm vuDwIj latlhpu'
vuD je, 'ach jIQumchu'.  bIrap 'e' Datobqang'a'?  bIghoHqang'a' neH?

qaghong'a'?  chaq loQ qaboj, 'ach qaghongbe'pu'.  qeS QaQ vIchup.

'ej ngoD Daj vItu':  bIqejmeH, QaHwIj DabuSHa'.  SoHvaD pabqoqlIj Qagh
vIngu', 'ach bIqImHa'chu' 'ej chopum neH.

>I'll put that in my Oprah "hope journal"!

nuqjatlh?  qIDHey pegh DaparHa'qu'law'.  pIj HuvHa'bej qechlIj.

>If you don't like my To'nech posts, STOP READING THEM.  Otherwise we'll
>just assume you're too thick to work your Delete key -- or alternately,
>that you have nothing better to do than bitch and moan just for the sake
>of it.

jIbeptaH 'e' vItembe', 'ach meqna' quv vIghaj.  puS Holmaj jatlhwI'pu' net
Sov.  law'qu' DaplIj.  mu'tlheghmey pupHa' DalIngtaHvIS, ghomvam DaSoDtaH.
DujIHbe'chugh vay', ghaytan taH QaghmeylIj, 'ej bIghItlhHa'taHvIS chaq
ghojHa' latlhpu'.

rejmorgh jIH.  jabbI'IDmey Dogh vIqaDbe'chugh, qaD'a' vay'?  vI' chatlhlIj.
tlhoy ponglIj leghlu'.   bIle' 'e' luHarchoH chu'wI' 'ej nIDachoH.
bIjaqbej.  DuchungHa'moHbe' vay', ghomvam DaralmoH.  wanI'vetlh vIchaw'Qo'.
vaj qaqeSqu':  bItaghtaHvIS, DapHom DamughtaH 'e' yImev.  wej yapbej laHlIj
'e' yIlaj.

>Enough people have reacted favorably to my posts that I'm not going to
>stop.  And note that the posts are not long, nor will they last forever.

nI'be' 'ej jubbe'.  bIlay''a'?

-- ghunchu'wI'


Back to archive top level