tlhIngan-Hol Archive: Sun Apr 07 14:12:58 2002

Back to archive top level

To this year's listing

• Index by Date
• Index by Thread
• Index by Author

yaS wa'DIch jIH

• From: Qov <[email protected]>
• Subject: yaS wa'DIch jIH
• Date: Sun, 07 Apr 2002 11:16:38 -0700

yaS wa'DIch vImoj.  javHu'  Duj chu' vIpuvchoH.  qaStaHvIS jav rep 
mughojmoHlI' HoD'a'. chach mIwmey, mIwmey motlh je DIqeqlI'.  cha'Hu' 
DujvamvaD jI'umchoH.   wejleS raQpo' vIHIjchoH.

tlhotbogh Duj 'oH. wa'maH chorgh raQpo' HIjlaH.  cha' QuQ lo'. ngeDbe' 
puvmoHmeH Qu'.   bIQDaq Degh Hutlh. bIQDaq tlhe'meH, QuQ HoS 
vIpImmoH.  tInchoHpu'DI' Do, muD Degh vIlo'laH.  HIpwIj vIHevpu'DI', 
tlhIHvaD Duj, jIH je 'oSbogh jabbI'ID vIlI'.

Duj luvo'meH, muD yuv DIngbogh naQmey.   DaH naQmey DIngmoHbogh QuQmey'e' 
vIDel 'e' vInID.  QuQ 'o'Daq 'el muD.  muD 'uytaH loS DIngbogh ghomey.  'uy 
gho wa'DIch, 'uyqa' cha'DIch, ''uyqu' wejDIch, 'uychu' loSDIch.  muDvam 
beQDaq 'el nIn.  QuQ DIchu'DI' nIn wImeQmoH.  meQtaH QuptaHvIS QuQ.  meQmo' 
nIn, muD je, Sachqu' SIpmey.  cha' HoS ghomey DIngmoH Sachbogh 
SIpmey.  'muD uybogh ghomey DIngmoH HoS gho wa'DIch.  DIngbogh naQ DIngmoH 
HoS gho cha'DIch.  QuQ Dopvo' mej SIp tuj, 'ej loQ Duj luvo' SIpmeyvetlh.

SKI: twin turbine transport

• Follow-Ups:
  • Re: yaS wa'DIch jIH
    • From: Alan Anderson <[email protected]>

• Prev by Date: RE: could somebody check this translation for me?
• Next by Date: Re: "be'be'" - double negation
• Prev by thread: to' nech, 004: {ghorghvaD 'oH?}
• Next by thread: Re: yaS wa'DIch jIH
• Index(es):
  • Date
  • Thread
  • Author

Back to archive top level