tlhIngan-Hol Archive: Mon Sep 10 06:26:29 2001
[Date Prev][Date Next][Thread Prev][Thread Next]
RE: laj (was Re: jaS bIpotlh
- From: Andrew <[email protected]>
- Subject: RE: laj (was Re: jaS bIpotlh
- Date: Mon, 10 Sep 2001 04:15:44 -0700 (PDT)
batlh ghItlhta' charghwI' quv:
>tlhoS jIyajchoH 'e' vIHar.
batlh leSpoHqoq Dabaj. reH qech Qatlh vIQumlI'mo', 'ej naDev Sarmo' laHmey,
Hol vIlo'bogh vIlIS. 'ach Dayajchu'be'DI', DamughHa'bej je. yIqImneS!
>> tIghghomna' lujeSmeH wIvlaHchu' labwI'.
>
>"In order that they participate a true customsgroup, the transmitter can
>perfectly choose."
tlhoS lugh mu'tlhegh Damughbogh. 'ach loQ mu'meyvetlh qech DaSIHnIS --
"tIgh" vIlo'DI', jaS "culture" qaQubmoHta' 'e' vIHech. 'ej nuv ghaH
labwI''e'. -pu' vIchelnISpu'. DaH "tlhIngan Hol labwI' ghom" wIjeStaH maH,
qar'a'? vaj jIQummeH jIQappu''a'?
>ngeDlaw' jImISchoHmeH Qu'. pIj <<-ghach>> Dalo'. pIjHa' mu'tlhegh
>vIyajlaHchu'bogh chenmoH DIpmeyvam.
wejpuH Qu'na'lIj 'oHbe' 'e' vItul! {{:-) QInwIj naQDaq cha'logh neH -ghach
vIlo', 'ej wotDaq 'oH tlhejnISba' latlh mojaq. lurDechmo' pa' -taH
qImHa'lu', yajlu'taHvIS. HolQeD ghItlhmeyDaq 'e' DalaDlaH je. qawHaqvaD
"-ghach" De' yItlhob.
>chaq jIyaj 'ach *context* vIyajchu'be'mo' jIyajbejbe'.x`
context (chaq qech'a') wIqel, Esperanto nganqoqmo' maQubtaHvIS. 'a Do'Ha'
wa'logh vay' mu'tlhegh DayajHa', wuvbogh mu'tlhegh veb'e' ghIq DalaDDI',
ghaytan vaj qaS mISHom mIS mIS'a'. ("vay'" also means "anything").
>Just a suggestion from someone who respects you a lot and gets really
>frustrated trying to read what you write.
choquvmoH, qatlho'. SoH qayeqqangbej, puq Hol vIlInglaw' not 'e' vIHechmo'.
'ach wa' potlh vIbuSlI', reH tlhIngan Hol vIlo'taHvIS. ghotna' ghomDaq chen
tlhIngan Hol'e', 'ej tIghchaj, nugh je DelmeH lulo'. 'ach ghItlhpa'Daq 'oH
chenmoHbe' Human'e', wejpuH raDtaHbogh malja' ghom tIn, 'e' vIDa. jaS
jISaghqangbe'. vaj Holna' jatlhwI' vIDa, 'ej baS rur Hoch Holmeyna', bIH
SIHlaHmo' jatlhwI'pu', 'a ghorlaHqu'be' chaH (Doghbe'chugh neH). tlhoy' let
Holmaj 'e' wIDachugh, vaj wIghor, bong pab 'ay'meyDaj DIwItlhlaw'DI'.
no'na'wI' Holmey vIghojpu'DI', qechvam vIyajchoHchu'. Dayaj je SoH, no'lI'
quv Hol Daghojchu'taHvIS. DuqeSjaj je lutHomvam'e' qaDISrupbogh.
tlhIngan Hol lo'qu' 'e' taghDI' nIchyon, ghItlhmeychaj vIlaDtaHvIS,
jImISqu'. qaStaHvIS DIS puS, 'ej jIqeqqu'taHvIS, Do' QIt raghbej mIS, Hol
qechmey vISIHmeH jIpo'choHtaHvIS. qeqmeymo' neH bItlhablaH. qechmeyDaq
yablIj DaqatnIS, 'ej mu'mey veghnIS laHlIj. HIja', QaghHeywIjmo' Qatlh
yajmeH Qu'Hey, baSqoqvam vISIHqu'pu'mo'. DaH Hamlet vIlaDqa'lI'. 'oHDaq
QaghHomna' lutu'lu', 'ach qech 'IH qaq law', pab pup qaq puS. 'oH vIyajlaHlI'.
Su', yIbuSneS! SoH DumISmoHchugh tlhIngan Hol vIlo'bogh, vaj DumISmoHbej je
latlh Hol lulo'bogh jatlhchu'wI', Holvetlh DaHaDchugh je. wejpuH, tlhIngan
Hol jatlhchu'wI' jIHbe', 'ach chIch vIDa 'e' vInIDba'. Holna' lo'lu'DI',
tIqqu' mu'tlheghmey, 'ej napHa'qu'. motlh je ghu'vam. tlhIngan Hol
vImotlhmoH vIneH neH.
Su', Hol pIm (chaq Russia Hol) vIghojchoHta'DI', 'ej yaplaw'DI' mu', pab je
vISovbogh, ghaytan ghItlhmey motlh vIyajchu'be'. mu'mey, pabmey neH 'oHbe'
Hol'e'. chay' rarchuq mu'mey? chay' loQ bIH SIHlaH vay', rarDI'? rapchu''a'
DIvI' Hol mu', nov Hol mu' je qechmey? ghaytan ghobe'. tlhIngan Hol lo'wIj
tob Hoch Hol lo'mey ngoDvam'e'. lo'meyvetlh law' vIlegh. bIHvaD
'ongqu'nISlu' jay'!
ghItlhwIj Hoch Dayajbe'chugh, ghIq rejmorgh yIDaQo', bIHDaq
qanuSbe'bejtaHmo'. jaS yIboQ, yIjang. ghIq mayajchuqmeH DIchHey wItlhojchoHlaH.
naDev bISaH, charghwI' 'utlh, 'e' vItlho'. bong qamISqa'moHchugh vaj poH
ngaj HIchaw'. mayajchuqmeH DIch vIghajbe', QuptaHvIS Hollo'wIj, 'a batlh
maSutlh. qaStaHvIS vagh DIS vebHa', puSqu' tlhIngan vIDameH 'ebmey. 'a DaH
tInqu' QIn vIqonta'bogh 'e' DapIlmoH. tlhIngan Hol vIjatlh 'e' vIparHa'qu'.
not vImevrup. pay' qaSchugh bIQSIp jorwI''a' Qugh, vaj mataH vetlhmey neH,
jIH je, DIDaq tlhIngan Hol vIjatlhtaHvIS.
--ghuy'Do
jI'IQHa'be'; toH, loQ jIQuch.
pemHov woj ngaSwI' vI'uch.
jIlI'be', 'ach nI'be' ghu'.
pIq poH'e' tugh Do' wItu'.
-- qonta' Gorillaz, 2001, 'ej vImughta' jIH