tlhIngan-Hol Archive: Sun Sep 02 01:46:01 2001
[Date Prev][Date Next][Thread Prev][Thread Next]
Re: buy'Ha' ngop
- From: Andrew <[email protected]>
- Subject: Re: buy'Ha' ngop
- Date: Sat, 1 Sep 2001 22:48:30 -0700 (PDT)
batlh ghItlhta' peHruS quv:
>DaHjaj ram wo'rIv DawI' Michael Dornna' vItlhejtaHvIS maja'chuq. tlhIngan
>Hol yej'anmajmo' Quchbe' ghaH. Bible mughmo' New York Dabbogh vay', vaj
[...]
jum Dorn vuDmey. malja' neH SaHlI' Paramount. lalDanmo' qIQbe'taHmo' latlh
ngotlhwI' law', chay' ponmeH HoS Dorn'e'? lalDanDaj vuvnISchu''a' Hoch
Ho'wI'pu'HeyDaj? lalDan paq mughlu'mo', vuvHa'lu', qatlh 'e' Har ghaH?
ghuy'cha', pay' no' Hol jatlhchoHlu', chay' vuvHa'ghachqoq lutI'? no' Hol
De' muchbe'law'mo', Qu'meymaj luteq qoj luQatlhmoH, qatlh 'e' luHechnIS?
wejpuH, qay'be'.
moghqu'moH ngoDmeyvam. reH matlhaQqanglaw' neH, qatlh 'e' luHar
jeSbe'wI'pu'? loQ jIyaj, 'ej jIqeH. lalDan batlh vuvnIS ghaH 'ach Qu'meymaj
yajnIS je. pIj wIyajHa'lu', maSarmo'. nuq SovnIS ghaH? tlhoy maSagh'a'?
tlhoy matlhaQ'a'? ghobe', ghobe'. roD tlhIngan Hol Dotlh lajlu' 'e'
wIchavpa', mavumqu'nISbej. wIlajlu' 'e' wIghurlaH, maSaHchugh neH. jaS
QujwI' maHtaH.
toH, Dornmo' jISaHbe'. maHaDmeH not QaHchu' ghaH.
Andrew H. Strader
URL: http://www.cis.ohio-state.edu/~strader