tlhIngan-Hol Archive: Mon Nov 05 13:53:40 2001
[Date Prev][Date Next][Thread Prev][Thread Next]
Re: nughIQmoH Dujmey
ja' Qov:
>...wa'logh Duj pImvo' SoDbej nIn 'e' vIlegh...
maj. lutmey Dun boSbej puvwI'na'. Albuquerque DaSuchpu''a'?
pa' lotHom SIQ vavwI', qorDu' HIjtaHvIS. chaw'DI' poHwIj Saja'.
Qov, Saqjan Dachu'pa' DaSaqchugh, SoHvaD bom'a' vIqonbej.
>... PA44-180T (Piper Seminole) 'oH Duj'e'. cha' QuQ.
Segh vIghovlaw'. jum wa' QuQ, qar'a'? roD wa' lurgh ghoS Hoch vo'wI'Du',
DIngtaHvIS. 'ach pIm Seminole 'e' vIqawlaw'.
PA23 (Apache) PA23-250/PAZT (Aztec) je vIlIghta'. Apache luwav vavwI', Hut
latlhpu' je. vagh quS ngaS (tep pa' bID Dan wa'). wa'logh DujvamDaq
Mexico wIghoS. (latlh lut 'oH lutvetlh...) nIteb Aztec je' vavwI'.
wa'maH wa' ben puv ghaH 'e' mev. wa' ben Aztec ngev.
pIj loQ bep be'nalwI'. jatlh <qatlh Duj wIghajlaHbe' maH? lengmey
ngajmoHbej.> law' lengmeymaj, 'ach roD QaHchu'be' muD Duj. Duj yaH 'oHbe'
ghochmaj'e'. :-)
>...chonaD 'e' vIlaj, 'ach choyajmeH SoH pIj 'utbe'law' mu'mey. :)
(rut 'ut wa' mu' neH: maaaj.)
>...qaSuch 'e' vIHech. chaq qepHom wIchenmoH.
chaq?! yIHonQo'!
>*USA* 'ev Dab 'Iv? ghunchu'wI' vISuchmeH, Washington, Idaho, Montana,
>South Dakota, Iowa, Illinois je vIjuSnIS. muD Dujmey mach boHajbe'chugh
>SajollaH.
February 15-17 Baltimore-Daq qaS Farpoint qep. jISaH 'e' vInabbej
(tuchbe'chugh qorDu'wIj). chaq taghpa' juHmajDaq cheSuchlaH, ghIq
matay'taHvIS Farpoint wIyotlaH!
July, taghpa' qep'a' HutDIch, Wyoming HuDmeyDaq maghIQ jIH be'nalwI'
puqloDwI' je. ngemDaq SuQongqangchugh, ghomuv. 'IHqu' Sep (Qo'noS
QonoSvaD vIDelnIS). Sumqu' Jackson. Supuvchugh, yavDaq SaHIjlaH.
Hoch peqIm! Qov neH vIja'be'taH. tlhIngan Hol raQ vIchupbogh boneH'a'?
-- ghunchu'wI' 'utlh
SKI: Talk of airplane tales turns to a suggestion for a Klingon language
get-together in the mountains of Wyoming next summer.