tlhIngan-Hol Archive: Fri May 18 14:15:21 2001
[Date Prev][Date Next][Thread Prev][Thread Next]
tlhIngan Hol yejHaDvaD bom
- From: "Patrick Masterson" <[email protected]>
- Subject: tlhIngan Hol yejHaDvaD bom
- Date: Fri, 18 May 2001 21:15:04
Holtejpu' maH!
Holtejpu' maH, Holtejpu' maH!
maHaDDI' Holvam neH wISaH
mu' wISovnISbogh wISovbe'
rut numISqu'moHlaH pab De'
Holtejpu' maH, Holtejpu' maH!
Hol wIQapmoHchu'meH wIwaH
roD DIpmey wotmey je DIHaD
lutmey DIqon; mu'tlhegh DIlaD
Holtejpu' maH, Holtejpu' maH!
Hol luyajbe'bogh nuv DIQaH
Do' nuboQ Hol chenmoHwI' quv
Holvam Dun chenpu'mo' wIvuv
Holtejpu' maH, Holtejpu' maH!
Hol mu'ghom naQ wIqawnISlaH
maghojchoHDI' yabmaj DIqem
batlh SuvwI' Hol wISovmo' maHem
Holtejpu' maH, Holtejpu' maH!
mamaw'qu'chu' 'e' luQub chaH
'ach <<ngeb Holvetlh!>> nuja'DI' vay'
majatlh <<bImuj, Holna' 'oH jay'!>>
------------------
boparHa''a'?
_________________________________________________________________
Get your FREE download of MSN Explorer at http://explorer.msn.com