tlhIngan-Hol Archive: Wed May 16 20:21:36 2001
[Date Prev][Date Next][Thread Prev][Thread Next]
RE: reH Dogh charghwI' net Sov
> -----Original Message-----
> From: Alan Anderson [mailto:[email protected]]
> Sent: Wednesday, May 16, 2001 9:48 PM
> To: [email protected]
> Subject: Re: reH Dogh charghwI' net Sov
>
>
> ja' charghwI':
> >muja' DujwIj. potlh be'vam. lutmeyDaj vI'IjnIS. vIyajnISchoH.
> >ghaytan tagh lutwIj chu'.
>
> qaSpu' poH. taH'a' lut?
>
> -- ghunchu'wI' 'utlh
vISovlaHbe'. Qonglaw' lutvam. chaq Hegh. chaq Qong neH. cha'logh be'vam
vIrI'meH ghogh HablI' vIlo'. qaStaHvIS wanI' waDIch cha' rep wIlo'.
maQuchba'. qaStaHvIS wanI' veb latlh cha' rep wIlo' 'ej maQuchtaH 'ach tlhoS
marInpu'DI' ngoD muja'. tugh vavDaj Such. *New Mexico* Sep Dab. qaStaHvIS
cha' Hogh pa' ratlh. QIn mulab 'e' mulay'. lengvamvaD tlheDDI'
*Greensboro*Daq mI'meH mev. chaq vItlhejlaH 'e' vIchup.
yev be'vam. QublI'ba'. jIjatlh <<qatlhej DaneHbe'chugh, qay'be'.>>
loQ bItchoHlaw' 'ej jatlh be' <<ghobe'! ghobe'! choghomlaH. mamI'laH.
qay'be'. jItlheDpa' mughom Hoch'e' vIneH.>>
DaH jIyevchoH. jIQublI'ba'. jIjatlh <<Hoch'e'? Hoch'e'? toH, latlhpu'
Da*date*'a'?>>
yevlI'. QIt jatlh <<cha' wej ghap...>>
QIn mulay'pu' 'ach vay' vIHevbe'. loQ bIrchoH tIqwIj. motlhchoH yInwIj.
jISaHbe'. jInajchu'pu' 'e' vItIv.
roD qay' be'pu'. Do' jInarghlaw'.
charghwI' 'utlh