tlhIngan-Hol Archive: Thu Mar 08 13:50:42 2001
[Date Prev][Date Next][Thread Prev][Thread Next]
re: jarmey vItoghlI' -- lengmeH chaw' vIDIlnIS
- From: "William H. Martin" <[email protected]>
- Subject: re: jarmey vItoghlI' -- lengmeH chaw' vIDIlnIS
- Date: Thu, 08 Mar 2001 16:50:21 -0500
> From: Alan Anderson <[email protected]>
> Date: Thu, 8 Mar 01 12:27:44 EST
>
> -------------------------------------------------------------------------
> -------
>
> SuH vagh waQ tagh qep'a' chorghDIch.
>
> Europe-Daq jIlengmeH, mungu'chu'bogh nav vIqengnIS. USA rewbe' jIH
> 'e' 'angchu'nIS navvam.
rap ghu'maj.
> cha'maH cha' ben Peru Dab be'nalwI'; ghugh
> lengmeH chaw' ghaj 'ach DaH notlh chaw'Daj ngo'.
mu' <<ghugh>> vIngu'laHbe'.
loSben *Denmark* vISuch. lengvvetlhvaD chaw'vam vISuq. cha'ben *France*
vISuchmeH chaw'vam vIlo'qa', 'ach DaH notlh. latlh vISuqnIS. tugh ghaytan
choH qabwIj. DaH *glasses* vItuQ, 'ach tugh *contact lenses* vISuq. janvam
vIlo'pu' 'ach choHDI' mInDu'wIj janvam vIlo'taHvIS jIlaDlaHbe'. jIlaDmeH
DeSDu' tIq vIpoQchoH. jIlaDmeH *glasses* vIteqlaHmo' *glasses* vIlo'choH.
DaH Qapbogh *bifocal contact lenses* 'oghlu'ta' vaj janmeyvam vIlo'qang.
> vaj lengmeH chaw'
> chu' SuqnIS ghaH, 'ej chaw'maj wa'DIch DIpoQ puqloDwI' jIH je.
qay'be'.
> waghbej chaw'meyvam jay'! Huch law' vInobnIS.
chomIS. chaw' vISuqDI' qutlh. chaq waghchoH. tugh ngoDvam vItu'.
> waghqu' leng. wagh
> lengmeH chaw'. wej ghot maHmo' loQ wagh mebpa'. waghbe' qep'a''e'
> neH. (wagh'a' Soj? wej vISov.)
ghaytan 'op wagh. ghaytan 'op qutlh.
> 'ach Holmaj vISaHmo' qep'a'Daq
> jISaHnISba'. juppu' vIparHa'bogh vIghomqa' 'e' vItul. juppu'
> vISovbe'bogh vIqIH 'e' vItul. po'choHmeH latlhpu' vIpIlmoHlaH 'e'
> vItul. leng lulo'laHmoHbej wanI'meyvam.
pa' qaghomqa'.
> -- ghunchu'wI' 'utlh
SarrIS