tlhIngan-Hol Archive: Sun Jul 29 04:40:17 2001
[Date Prev][Date Next][Thread Prev][Thread Next]
HIvje' quv lut 'ay' wa'DIch
- From: Andrew <[email protected]>
- Subject: HIvje' quv lut 'ay' wa'DIch
- Date: Sun, 29 Jul 2001 04:35:54 -0400 (EDT)
HIvje' quv lut 'ay' wa'DIch
[SuS]
["tlhap tlhap tlhap" (muplaw' lemDu')]
'artlhur ta': pa' mev!
["tlhap tlhap tlhap"]
mang wa': mev! ghoS 'Iv?
'artlhur: 'artlhur jIH, 'utlher penDaghon puqloD, qa'melot vaS joH.
berI'ton ta', SaqSon ghol, 'englan Hoch voDleH je!
mang wa': latlh yIngu'!
'artlhur: lu', 'ej patlhoy, toy'wI'wI' matlh ghaH nuvvam'e'. chuqmeyDaq
'abbogh 'ej juchbogh puHvam malIghbejtaH, qa'melot yejwIjDaq mutlhejqangbogh
vajpu' DInejtaHvIS. pInlI' joHlI' je vIjatlhnIS.
mang wa': chay'? Ha'DIbaHqoq bolIgh'a'?
'artlhur: HIja'!
mang wa': naHlet'a'Hey'e' bolo'!
'artlhur: nuqjatlh?
mang wa': naHlet'a' cha' bID'e' bolo', 'ej bopaw'chuqmoH.
'artlhur: ram. qaStaHvIS bov bIr, puHvam Dat peDpu'DI' malIghtaH, merSIya
Sep wIjuStaH...
mang wa': nuqvo' naHlet boSuq?
'artlhur: DISampu'.
mang wa': boSampu'? merSIyaDaq? tIng Sep naH 'oH naHlet'a''e'!
'artlhur: nuq Daja'?
mang wa': wejpuH, 'evHom Sep 'oH Sepvam'e'.
'artlhur: Hov'a' tlha'meH tIngHe ghoS ghupwI', Qa', 'er joq, qoj chaq Sep
tuj nej, qaSDI' bov bIr, 'ach puHmajDaq Dachbe' Ha'DIbaHmeyvam.
mang wa': leng naHlet'a', 'e' Dapon'a'?
'artlhur: Qo'. bIH qenglaH vay'.
mang wa': chay'? naHlet'a' qeng'a' ghupwI''e'?
'artlhur: naghDIrDaq 'oH 'uchlaH.
mang wa': potlhbe' 'uchmeH mIw'e'. potlh cheb ngI'bogh 'oDmeH mIw neH. wa'
cheb naHlet'a' qenglaHbe' cha'maH vagh vatlhvI' cheb Ha'DIbaH.
'artlhur: ramtaH. Su' pInlI'vaD yIjatlh yIruch, naDev qa'melot yejvo'
pawpu' 'artlhur.
mang wa': yIqIm. muDDaq Do leHmeH, loSmaH wejlogh telDu' joqmoH ghupwI', qar'a'?
'artlhur: Ha'!
mang wa': qar'a'?
'artlhur: jIHvaD Dajbe'!
mang cha': bIH qenglaHqu' tIng Sep ghupwI'!
mang wa': lu', chaq qenglaH tIng Sep ghupwI', 'ach qenglaHbe' 'ev Sep
ghupwI', 'e' vIqap jIH.
mang cha': lu', vIQochbe'.
'artlhur: Ha', pInra' yItlhob; qa'melotDaq yejwIj muv neH'a'?
mang wa': 'ach Do'Ha' lengbe'ba' tIng Sep ghupwI'mey.
mang cha': lu', qar.
mang wa': vaj not naHlet'a' luqenglaH.
["tlhap tlhap tlhap"]
mang cha': SuH! nItebHa' luqeng cha' ghupwI', 'e' yIQub.
mang wa': ghobe', tlheghDaq lubaghnIS.
mang cha': HIja', nap. tI pIp lulo'.
mang wa': chay'? lolSeHchachaj bIngDaq lu'uch'a'?
mang cha': HIja', qatlh qItbe'?
--Andrew Strader
"How are you gentlemen? All your base are belong to us."
http://www.cis.ohio-state.edu/~strader