tlhIngan-Hol Archive: Tue Oct 31 11:39:12 2000
[Date Prev][Date Next][Thread Prev][Thread Next]
Re: nIn natlhlI' (was Re: DujwIj chu')
- From: "William H. Martin" <[email protected]>
- Subject: Re: nIn natlhlI' (was Re: DujwIj chu')
- Date: Tue, 31 Oct 2000 14:38:47 -0500 (EST)
ja' ghunchu'wI':
>ja' SarrIS:
>>> (jISov, jISov...SuD woj choHwI' lo'wI' 'e' Daqap.)
>>
>>SuDba'. reH lojtaH vay' Qaw'lu'pu'bogh.
>jIyajbe'. naH vISopchugh, vIQaw'ta' qar'a'? 'ach latlh vIyoblaH. ngem
>meQlu'chugh, lojbejtaH, 'ach reH loj'a'? ghobe'; cheghlaH ngem.
maQochbe' 'ach QIt chegh ngem. nom ngem wImeQ. QIt Say'qa' muD. nom muD
wIlammoH. nIn wInatlhbogh law' law' nIn lInglu'bogh law' puS. nIn law'
pollu'pu' 'ach nInvam wInatlhbej. ghu'vam DabuSHa'chugh lojchoHbe'.
>>tar mojchugh wutlh
>>bIQ vaj wutlh bIQ Say' lIngbe'lu'. QaHbe' cham.
>bISaghlaHbe'. bIQ lam watlhqa'moHlaHba' cham. wutlh bIQ tlhol
>Davoqqang'a'?
juHwIjDaq reH wutlh bIQ tlhol vItlhutlhtaH. bIQ lammoHDI' baS 'ugh
Qapchu'be' cham. tar moj bIQvam.
>>*plutonium* HeghmoH law' Hoch HeghmoH puS. ngoD 'oHbe'.
>ngoD 'oHbe'chu' jay'! 'ach taHmo' wIchvam, "plutonium" Hajlu'taH.
>"Funnel
>web spider" HeghmoH law' "plutonium" HeghmoH puS. tar law' HeghmoH law'
>"plutonium" HeghmoH puS. "plutonium" vIpIchbe'. maQmIgh ja'wI'pu'
>vIpIch.
nom HoHlaH *Funnel web spider*. QIt HoHbej *plutonium*.
>>jaS bIHar chaq yajHa'wI' SoH.
>jaS vIHarbe'. jaS jISovqu'. Qobbej woj, 'ach mIghbe'. lI'qu'. (cham
>'Itlh DalajHa'chugh, qatlh DaHjaj cham Dalaj?)
mIghbe' cham. QaQbe' cham. Sarchu' cham. wa' Doch 'oHbe'. QaQ Hoch cham
'e' DaHarba'. ngoDvammo' bIDogh.
>>*methane* *alcohol* joq wIlInglaHbej 'ach DaHjaj nIn HoS
>>wInatlhlI'bogh law' law' *methane* *alcohol* nIn
>>wIlInglaHbogh law' puS.
>DaHjaj teH. DaHjaj "petroleum" qutlh law' latlh qutlh puS. vaj
>potlhqu'be' "alcohol" nIn 'ej "alcohol" nIn law' lInglu'be'. waghqu'DI'
>"petroleum", qaqchoH latlh nInmey.
choHlaH qo' 'ach potlh Do. nIn wInatlhbogh wIghurbe'chugh, choH Do
wIpoQbogh wIghurHa'.
>>pemHov HoS pol tI nIn. QIt vI'. nom
>>HoS wInatlhlI'. machungHa'be'chugh Do'Ha'.
>nom 'otlh HoS pol 'op tI. wej ben "algae" Qul be'nalwI' jup. (muja'ta'
>"I
>work with pond scum.") lI' 'ach DaHjaj wagh.
wej Doj. toDlu'pu'DI' *pond scum*lIj vIvuvchoH.
jImevnIS. jImejnIS. chomoghmoH. rut qavuvchu' 'ach cham Davoqchu'DI'
qavuvlaHtaHbe'. rut QapHa'ba' 'ej QobchoH ghu' 'e' DaleghQo'.
SarrIS