tlhIngan-Hol Archive: Tue Jan 25 07:05:02 2000
[Date Prev][Date Next][Thread Prev][Thread Next]
Re: KLBC / jach pIl'o'
- From: Alan Anderson <[email protected]>
- Subject: Re: KLBC / jach pIl'o'
- Date: Tue, 25 Jan 00 09:23:28 EST
ja' pIl'o':
>qen qabchoHchu'taH yInwIj.
qaS choH. reH Qap San. qabqu' yInlIj 'e' yIqelQo'.
qaD chu' DaSuqpu' 'e' yIqel. Dal pagh jagh net Sov!
>cha'maH DISmey'e' tachvetlh jImI'pu'!!
>tachwIj'e' 'oHtaH. mI'vaD ravwIj 'oHtaHchu'.
tachvetlh 'aDDu'Daq vIHbej 'IwlIj. taghDu'DajDaq vIHbej tlhuHlIj.
>cha'maH DISmey jImatlh.
>mI'taHghachna'wIj vItIvmo' vaj reH pevIl jIvumpu'.
>reH batlh jIvumchu' 'ej jIvumtaHvIS jIHemqu'!
maj. mI'wI' quv SoHba'. tach quv Daqotlhba'.
>'ach petaQ mojlaw pInwIj. vumtaHghachwIj Qaw'ta'. mIvaD ravw'ta'.
>pay' muSaHbe'choHba'.
qalchoHlaw' tach yab. DureghmoH neH. DuvoQ neH.
bIghaqtaHchugh ghaytan bIqalchoH je.
>jIbupbe'chugh vaj batlhwIj tIqwIj je vIQaw'vIp.
>DaH jIbupnIS 'ach jIbupQo' vIneH.
chovlIj yIvoq. DujlIj yIvoq. SoHvaD QaQHa'choH tachvetlh.
>vIcharghlu'ta' neHlu'.
><"they" being the great amorphous collective representing "progress">
>jI'IQ 'ach jIQeHchu'taH qu'!!!
>mI'taHghachna'wIj HoHta' pInwIj. <"progress"> 'oHtaH meqraj.
QIpwI'mey law' QIjmeH meqqoqvetlh lo'lu'. meqna' 'oH Huch'e'.
batlh SaH 'Iv? 'IHwI' SaH 'Iv? qun quH joq SaH 'Iv? Hoch che' Huch!
>DaH vIHoH 'e' vInaj. 'ach, chay' <"progress"> vISuvlaH?
>qabDajDaq jI'mI'rupchu'.
>waqmeywIj mI'vaD bIngDaq 'IwDaj vIneH.
yIvuS'eghQo'. :-) mI'wI' neH SoHbe'. bomwI' qa' Daghajba' je.
mI'wI' porghDaq bomwI' qa' tu'lu'DI', law'qu' DuHmey.
*lungtIQ DamojnISchugh, pe'vIl *lungtIQ'a' yImojchu'! :-)
><"progress">vaD QInwIj vIngeH. "bIH" vIja'chu': 'o'wIjvo' yI'ep!
Dojqu' mu'qaDvam! majQa'! 'oH HoS law' <Hab SoSlI' Quch> HoS puS!
[Well, maybe not, but it's right up there.]
-- ghunchu'wI'
[*] bov tIQ lung'a' vIpermeH, <lungtIQ> vIpong. tera' "Dinosaur" vIqel.