tlhIngan-Hol Archive: Wed Mar 31 11:35:16 1999
[Date Prev][Date Next][Thread Prev][Thread Next]
De'wI' ropqoq yIghuH: "Melissa"
- From: Alan Anderson <[email protected]>
- Subject: De'wI' ropqoq yIghuH: "Melissa"
- Date: Wed, 31 Mar 99 13:54:28 EST
yIvoq 'ach yI'ol. QInwIj neH yIHarQo'. De' Halna' quv yInej je.
ropqoqmey qelbogh vIt DalaD DaneHchugh, http://www.antivirus.com/
http://www.virusbtn.com/ http://www.ncsa.com/ncsalert.html qoj yIHotlh.
***
"Microsoft Outlook Express" Dalo'be'chugh, chaq De'vam DabuSnISbe'.
'ach ghaytan luSov "Microsoft Windows" lo'bogh Hoch nuvpu' luneH.
De'wI' ropqoq chu' ngu'ta' De' pIn yej'an. 'oHvaD "Melissa" ponglu'.
"Word 97" ngej ropqoqvam. "Word 2000" ngejmeH choHlaH. nom yuQDaq
lengta' 'ej loS SaD De'wI' ngejbejta'.
De'wI'lIj ngejta'chugh, ghaytan pagh Datu'. Qap 'e' nISbe'.
'ang'eghbe'. motlh tu'lu'be'.
De'wI' ngejDI' "Melissa", "Outlook Global Address Book" nuD 'ej
vaghmaH nuvvaD lab'egh. jabbI'ID permeH, jatlh:
"Important message from - [user name]"
jatlh jabbI'ID:
"Here is that document you asked for ... don't show anyone else ;-)".
jabbI'ID tlhej ghItlh ngejlu'ta'bogh. roD "List.DOC" ponglu', 'ach
pImlaH pong. ghItlh laDlu'DI', De'wI' ngej ropqoq. qay'.
rut 'ang'egh ropqoq. ghItlh ngejlu'ta'bogh laDchoHlu'DI', tlhaq nuD
ropqoq. rapchugh jaj tup je, QIn Huj ghItlh:
" Twenty-two points, plus triple-word-score, plus fifty points for
using all my letters. Game's over. I'm outta here."
"Windows" Dalo'chugh, De'wI' rop wojwI' yISuq. wojwI' ngo'
Daghajchugh, SIbI' yIchu'moH. lI'laH http://www.mcafee.com/
http://www.symantec.com/ je.
-- ghunchu'wI'