tlhIngan-Hol Archive: Sun Mar 28 17:17:56 1999
[Date Prev][Date Next][Thread Prev][Thread Next]
Re: qama'
- From: "David Trimboli" <[email protected]>
- Subject: Re: qama'
- Date: Sun, 28 Mar 1999 17:25:14 -0500
va. bIjatlh QubHa'be' ghaH vIneH. yab yaS SoHlaw'. jatlhchu' Hol
wIjatlhchoH. (sic!)
'a bIqar. ghojmoH peHruS 'ej ghojHa'moHlaH. 'a qechmeylIj laj ghaH 'e'
DaraDlaHbe'! teHlaw'bogh qechmeylIj 'ej puplaw'bogh lajnISbe' ghaH.
tlhIngan Hol SeHchu'taHchugh ghot puS neH, 'IHHa'choH Hol. qechDaj
DIlajnISbe'qu', 'a Qoch ghaH 'e' wIvuvnIS. tlhIngan Hol QanwI' maHbe'.
SuStel
Stardate 99238.7
jatlh ghunchu'wI':
tlhIngan Hol jatlhlaHqu'mo' peHruS jISaH.
Qubchugh ghaH jatlhpa' yajlu'. QubHa'be' ghaH vIneH.
[...]
ghojmoH peHruS. mujchugh ghaH, mujchoH je ghojwI'Daj. QughHom mojlaH.
Hol pIn ghaH 'e' maqmo', jIbIt. lughchu' 'e' Harba', lughbe'taHvIS.
latlhpu' ponlaH HarwI'na'. latlhpu' mISmoHlaHchu' mujbogh HarwI'.