tlhIngan-Hol Archive: Mon Aug 23 10:19:43 1999
[Date Prev][Date Next][Thread Prev][Thread Next]
juH vIje'lI'
- From: "d'Armond Speers" <[email protected]>
- Subject: juH vIje'lI'
- Date: Mon, 23 Aug 1999 11:04:58 -0600
tlhoS wa' jar jIDachlaw'. DaH jIjeSlaH, 'ach wej De'wI'wIj vIghajqa'.
juH vIje'lI'. chu' juH vIje'bogh: tera' DIS wa'maH Hutvatlh HutmaH vagh
chenmoHlu'. loQ Sab beb, 'ach waghbe' tI'meH Qu'. (loQ nIj beb, 'ach juH
vISuqpa' tI'lu'bej. tI'lu'meH jIDIlnISbe'.) loS QongmeH pa' tu'lu', cha'
rav ghaj juH ('ej latlh rav, wutlh 'oH ravvam Daq'e'). juH 'em tIn yotlh.
reHmeH puqloDwI' yapbej yotlhvam. Duj verghlu'meH cha' vergh tu'lu'.
jIvut 'e' vItIv. tInqu'be' vutmeH pa', ach machbe'. vutmeH pa'wIj chu' tIn
law', vutmeH pa'wIj ngo' tIn puS. jIyonbej.
jar Hut jaj cha'maH juHvam vIje' 'e' vIta'. jaj cha'maH cha' juHvam
vIDabchoHlaH. qaSDI' wanI'vam, *Maryland*vo' *Colorado*Daq 'aHwIj
vIngeHlaH. qaSpa' wanI'vam, De'wI'wIj vIghajbe'. vIghajbe'mo' *FAQ*
vIleHlaHbe'. Do'Ha'. DaH meb pa' vIDablaw'. pa'vam vIparbej, 'ach pa'
vIDabmeH pagh vIDIlnIS. (Do' pa' DIl pInwI'.)
pItlh.
--Holtej
tlhIngan-Hol mailing list FAQ
http://www.bigfoot.com/~dspeers/klingon/faq.htm