tlhIngan-Hol Archive: Sun Aug 15 19:51:08 1999
[Date Prev][Date Next][Thread Prev][Thread Next]
Re: cha' jupna'/KLBC
On Sun, 15 Aug 1999 20:01:35 -0500 Alan Anderson
<[email protected]> wrote:
> ja'pu' charghwI':
> >muDachmoH neH bang.
>
> ja' pIl'o':
> > chaq, wej DaqIH. 'u'lIj yoychoHmoHlaw'DI' vaj yItlha'!
>
> qIHbejta' charghwI'. 'u'Daj yoychoHmoHta'qu' 'ach not matlhtaH.
ghu' boyajbej vIneH. jIyoybejta'. reH jIQomruptaH. reH nobruptaH
tIqwIj. reH jImatlhruptaH. Do'Ha' reH bangwI' vIwIvHa'pu'.
bangqoq law' vISIQpu'. DaH jImob 'ej jImobmo' yInwIj Dublu'.
bangna' vIqIHchugh vaj jIjeSrupchu'taH.
'ach bangna'vam vIloSQo'. vIqIHchugh Qu'wIj vIchoH. vISambe'.
nIteb jIyInchu' neH. bangqoqpu'vaD jItob'eghqa'ta'. DaH jIHvaD
bangHey tobnISlu'.
Quchlu'meH bang ghajnISlu' 'e' DaHarlaw'. maQoch. bang
vIghajchugh vaj jIQuchlaH qoj jIQuchbe'laH. bang vIHutlhchugh
vam jIQuchlaH qoj jIQuchbe'laH. ram bang. potlh qa'wI'.
> charghwI' yIn nISlaw'. yoyqa' 'u'Daj neHbe'ba'.
Huv yInwIj. nISbe'. tlhab Hoch bangqoqpu'. jISaHbe'. jItlhab je.
> > qaqeS rIntaH. pIl'o'
>
> maj.
>
> -- ghunchu'wI' 'utlh
charghwI' 'utlh