tlhIngan-Hol Archive: Sat Aug 14 16:01:12 1999
[Date Prev][Date Next][Thread Prev][Thread Next]
Re: Qe' chu' vItu'
ja' charghwI':
>Qatlhqu' *sandwitch* vIDelmeH Qu'. Soj Hap moj tIr. Sub 'ach muD
>ngaS je. tIr Hoch lo'. ngal.
tera'Daq maHtaH. Sojvam vIDelmeH, ghaytan "whole wheat bread" neH vIpong. :-P
>leghlu'DI' pengHom rur.
toH. Sub DellI'. :-)
>cha' 'ay' chenmoHmeH SIj. SIjDI' puH Don taj.
SaS taj, qar'a'?
>bID peplu' 'ej bIDmey jojDaq tI nIm Sub je lulanlu'.
Ha'DIbaH Hutlhba' Qe'vam.
>pa' latlh lanlu' je.
chaq latlh tlhej chanDoq qettlhup joq.
>veychorgh Sub lungev je. rachlu'.
vIychorgh Sub vIyajbe'. yIvlu''a'? tlhutlhlu''a'?
>Hoch jaj juHDaq nIQ mach vISop. taSDaq megh'a' tInqu' vISop. 'uQ
>vISopQo'. vIpoQbe'. yap megh.
>
>Hoch jaj cha' rep vIpol. 'uQ vIvutnISbe'. raS vIchernISbe'. ngop
>vISay'nISbe'moH. latlh Qu'mey vIta'laH. mIwwIj yIqel.
jIHvaD DuHbe' mIwlIj. jIghungchugh pagh jIghungbe'chugh, 'ut 'uQ.
maSoptaHvIS jIH qorDu'wIj latlh je, maghom 'ej maja'chuq.
nutay'moHbe'chugh 'uQ, chaq maja'chuqbe'. ngop maSay'qa'moHtaHvIS,
matay' 'ej poH le' chenmoH Qu'.
'ej Shabbat 'uQ wIlopmeH, 'uQ wISopnISba'.
-- ghunchu'wI' 'utlh