tlhIngan-Hol Archive: Tue Oct 13 07:50:44 1998
[Date Prev][Date Next][Thread Prev][Thread Next]
muD Dotlh
- From: "William H. Martin" <[email protected]>
- Subject: muD Dotlh
- Date: Tue, 13 Oct 1998 10:50:37 -0400 (Eastern Daylight Time)
- Priority: NORMAL
wa'maHHu' De'wI'HomwIj vIlo'taHvIS mu'tlheghvam tlha'bogh QIn'e'
vIqon:
***********************************************
chal teb 'eng'a'. SISQo'. wovQo'. loQ HurghtaH.
SISbe'taHmo' bIQ Hutlh juHwIj. jISay''eghmoHmeH jup vISuchnIS.
poH vIHutlhmo' Qu'vam vIta'laHbe'. jIHe'So'choH. jaghmeywIj
vImerchoHlaHbe'. QobchoH ghu'.
charghwI' 'utlh
************************************************
QIn tetlhvamvaD lablaHbe' De'wI'HomwIj. vaj De'wI''a'wIjvaD lab
'ej DaH tlhIHvaD lab De'wI''a'wIj. ngo'choHpu' QInvam. SISpu'.
DaH wov. jISay'. jIloSnIS neH 'e' vISov 'ach jImoghpu'mo' jIbep.
QIn vIQaw'laH, 'ach tlhIHvaD vay' vIlab vIneH. QInvam qaq law'
pagh qaq puS...
charghwI' 'utlh