tlhIngan-Hol Archive: Sun May 10 21:20:52 1998
[Date Prev][Date Next][Thread Prev][Thread Next]
Re: charghwI' bang
- From: "William H. Martin" <[email protected]>
- Subject: Re: charghwI' bang
- Date: Mon, 11 May 1998 00:22:34 -0400 (Eastern Daylight Time)
- Priority: NORMAL
On Thu, 7 May 1998 13:27:21 -0700 (PDT) Holtej
<[email protected]> wrote:
>
> charghwI',
>
> QInlIj vIlaDDI', wa' mu'tlhegh vIqaw: "...'ej maDo'chugh matlhuHnISbe'."
> ghorgh bItlhuH?
>
> chay' banglI' Daghom? (wej maHvaD DaDel'a'?)
jISovchu'be'. chaq vIDel. chaq vIDelbe'.
> ghorgh banglI' DaqIH?
wa'ben maqIH. loSmaH wejloS parmaq wItagh.
> wanI'vam yIDel.
*qat* 'oH pongDaj'e'. *talya'* 'oH be'nalDaj pong'e'.
*talya'* vIqIHDI' jImI'. mI' *talya'*. mamI'. mamI' 'e' wItIv.
chol *qat* 'ej mujatlh <<SumI'ta' be'nI' SoH je. DatIv'a'?
marurchuq, qar'a'?>>
jIjang <<'Iv Darur?>>. Doq *qat* jIb. qIj *talya'* jIb. lang
*talya'*. langbe' *qat*. rurchuqchu'be'. jImIS.
QIt jup moj *qat*. *Richmond* vISuchDI' mamI'. qoch ghaj *qat*.
loDnal ghaj *talya'*.
loSmaH wejHu' qoch ghajbe' *qat*. qoH ghaHlaw' qochvam'e'.
lujpu' qoHvam.
mutlhob *qat* <<bIQtIqDaq DujHomDaq maleng DaneH'a'?>>
jIlaj. malengta'DI' bangHey mojlaw' *qat*. tugh bang moj *qat*.
> DaleghDI', pub'a' 'IwlIj?
vIleghDI' jImon neH. qochna' ghaH. Huv mInDu'wIj. mamatlhchu'.
mayuDHa'chu'. mareHchu'.
> venglIjDaq Dabbe', qar'a'?
qar.
> *Richmond*Daq Dab 'e' vIqawlaw'.
bIqawchu'.
> pIj DaSuch'a'?
HIja'.
> qep'a' vaghDIchDaq SaHmeH
> banglI' DaponlaH'a'?
chaq Such, 'ach jeSQo'. qep'a'vaD ghIQQo'. chaq qaStaHvIS jajmey
Qav Such.
> yap wa' jaj: qIH cha' qabDu' vIneH neH. :)
bIbelmeH qIHnIS 'Iv qabDu'?
> .-=-. Holtej
>
charghwI'