tlhIngan-Hol Archive: Fri Jun 05 14:09:00 1998
[Date Prev][Date Next][Thread Prev][Thread Next]
jIQuch
- From: [email protected] (Christiane Scharf)
- Subject: jIQuch
- Date: Fri, 05 Jun 1998 23:09:40 +0200
chIch <KLBC> vInop. chaq HeghmoH wIvvam...
Hol qaDvaD jIjeS. Hol lo'taHvIS 'ovlu'. qaStaHvIS wa' DIS loS Qu'
luta'nISlu'. cha' Hol lulo'nISlu'.
Qu' wa'DIchvaD *cassette* qonlu'taHvIS Degh (picture) Dellu'nIS. Qu'
cha'DIchvaD cha' qaDmey pIm lutu'lu'. Hol wa'DIch lo'lu'taHvIS ghItlhmey
lumughnISlu' 'ej lupojnISlu'. Hol cha'DIch lo'lu'taHvIS *German* Hol
ghItlh ngoDmey potlh lughovnISlu' 'ej ghItlh chu' qonlu'nIS. ghItlh ngo'
tIn law' ghItlh chu' tIn puS.
rInDI' Qu' cha'DIch jabbI'ID Hev Hoch jeSwI'. bIQap pagh bIluj 'e'
DuSovmoH jabbI'IDvam.
DaHjaj jabbI'IDvam vIHev. vIleghDI' jISeychu'. nuq mujatlh? yIloy!
jIQap! Qu' wejDIchvaD jIjeSlaH! jIQap 'e' vIHarlaHchu'be'.
Qu' wejDIchvaD juHDaq ghItlh'a' vIqonnIS. ja'chuqnIS Qu' loSDIchvaD
jeSbogh nuvpu'.
pItlh. Qaghmey bo'ang boneHchugh qoj tuqeS boneHchugh qoj Sujang neH
boneHchugh, pebaH!
HovqIj