tlhIngan-Hol Archive: Mon Jun 01 09:56:55 1998
[Date Prev][Date Next][Thread Prev][Thread Next]
puq lut
- From: Marc Ruehlaender <[email protected]>
- Subject: puq lut
- Date: Mon, 01 Jun 1998 11:56:46 CDT
peqIm, puq! pebuS!
peqIm 'ej peqaw!
bobuSchugh vaj boghoj.
pebej!
SuvwI' bolegh'a'?
poS pa' Qot SuvwI''a'.
DotlhDaj yIDel!
Qonglaw' SuvwI' qar'a'?
pebejqa'!
nIH pa' latlh nuv tu'lu'.
ghaH bolegh'a'?
QIbDaq So' 'e' nID.
qutluchDaj lo'rup.
SuvwI''a' ghoS HoHwI'Hey.
vIHbe' SuvwI'.
SuvwI'Daq paw latlh.
qutluchDaj lupDI' HoHwI'qoq, chaQ SuvwI'.
betleHDaj boleghbe' qar'a'?
'oHDaq Qot SuvwI' 'ej reH lo'rup ghaH.
Heghpu' QIb nuv 'ej leSqa' SuvwI''a'.
nuq boghoj?
not yIpIH neH, reH yIQub!
reH Hoch boleghbe'.
vaj peqIm, puq! pebuS!
peqIm 'ej peqaw!
bobuSchugh vaj boghoj.
Marc Ruehlaender
aka HomDoq
[email protected]