tlhIngan-Hol Archive: Wed Jul 15 14:28:41 1998
[Date Prev][Date Next][Thread Prev][Thread Next]
Re: QoQ Qov je
- From: [email protected] (Alan Anderson)
- Subject: Re: QoQ Qov je
- Date: Wed, 15 Jul 98 15:32:27 EST
mujang Qov:
>Hoch Daqawlaw'. SeHlawwIj leQmey DaSamlaH.
jupna'wI' vISov 'e' vInID. vISeH 'e' vInIDbe', 'ach chaq vISIghqang.
>jIbolchoHpu'DI' Sut QanwI' vItuQchoH.
qech vIghajchoH...
>> not qaS ghu'vam. bImoDbe'. Dachchugh Wade, > qaQorghrupchu' jIH.
>bImobbe' bIjatlh DaneHlaw'.
HIvqa' veqlargh. tlhIngan De'wI' SeHlawDaq Sumqu' <b> <D> je net Sov.
>WadevaD jIjatlh muQorghqangwI' tu'lu'.
>jatlh maj, qaQorghchoHlaHbe'chugh vaj DuQorgh ghaH 'e' yIchaw', 'ach
>qaQorgh jIH 'e' vIHech.
quvbej loDlI'. ghaHvo' qatlhap not 'e' vIHechba'. 'ej loQ ghu'
SaHbej be'wI' 'e' vIqawnIS. :-)
yInlIj 'ay'Homvam neH DatIvtaHvIS qatlhejlaHmo' jIQuch.
>> >'ach DIvI' Hol vIjatlhqangtaHvIS qorDu'lIj mughwI' vItoy'qangbej.
>> lajqang be'nalwI'. wej quq cha' HolwIj 'e' parmo' ghaH, jIvumnIS je.
>lajqangbe''a'? lajchugh bIvumbe'nIS, qar'a'?
nabmaj lajqangbej. jIvumnIS je jIjatlhDI', nab vIqelbe'choHta'.
jIQIj 'e' vInID. DaH, tlhIngan Hol vIjatlhtaHvIS, yabwIjDaq tlhIngan
Hol pab vIlo'. tlhIngan Hol pab vIbuSqu'nIS. tlhIngan Hol mu'mey pab
je 'uchtaHvIS yabwIj, English mu'mey pab je 'uchlaHbe'law'. wa' Hol
vIbuSDI', latlh vIchIlchoHlaw'. vaj motlh jIHvaD quqbe' cha' Hol.
tlhIngan Hol vIjatlhtaHvIS muyajlaHbe' 'e' par be'nalwI'. jImugh 'e'
qap. 'ach wej nom jImughlaHchu', 'ej ghu' muS ghaH. ghuy'cha!
jImughQo'be'. jImughlaHqu'be' jIjatlhtaHvIS. vaj laHvam vISuqmeH,
jIvumnIS.
>tlhIngan jIHbe' 'e' vISov, 'ach jechmey vItIvmo' vIchenmoH 'ej vItuQ.
DatuQchu'. jech vItuQ 'e' vIparHa'qang, 'ach Qochlaw' qa'wIj. jum.
>qaSpa' qep'a' wejDIch MUSHDaq qaja' <qep'a'Daq HIV Daqeng'a'?> /HIp/
>vIghItlhHa'. qaSDI' jItuHqu' 'e' vIqaw. DaH jIDoqchoH, vIqawtaHvIS.
>chut 'oHlaw': Hol DaghojtaHvIS DuquvHa'qu''eghmoHbogh Qaghmey DaSIQnIS.
wanI'vam vIqawtaHvIS jIHagh jIH. chaq Doq qablIj, 'ach bIquvHa'be.
QaghHommeyHeylIjmo' DajtaH yIn. :-) bIghItlhHa'pu'be', chaq qechmey
qetlh DIqeltaH.
-- ghunchu'wI'