tlhIngan-Hol Archive: Fri Jul 03 11:37:39 1998
[Date Prev][Date Next][Thread Prev][Thread Next]
Re: QoQ Qov je
- From: Robyn Stewart <[email protected]>
- Subject: Re: QoQ Qov je
- Date: Fri, 3 Jul 1998 11:31:40 -0700 (PDT)
---Alan Anderson wrote:
> charghwI' jIHbe', 'ach chonajmoHtaH.
DIvI' Hol DajatlhtaHvIS tera' tIgh DachHa' Davuv, 'ach tlhIngan Hol
DajatlhchoHtaHvIS bIngIl. DujonnIS vIt Qoyrupbe'bogh nuv. tlhIngan
Hol jatlhlu'taHvIS neplaH vay', 'ach vIt tunmoHlaHbe'.
> > tugh qaSmo' qep'a' jIbel. Qavbe'
> >loSDIch. chaq Qavbe' je vaghDIch.
>
> teHjaj. wanI' DatIvmeH jIvumqu'qangchu' jIH!
Holmo' qep'a' wejDIchDaq jIleng. vItIvqu'.
juppu'mo' qep'a' loSDIchDaq jIleng. SaH juppu', 'ach nISlaw'
wanI'mey.
qatlh qep'a' vaghDIchDaq Ileng? jISovbe'. juppu'wI' vIghom vIneHbej.
qaD chu' vISamrup. tlhIngan Hol laHwIj vISabbe'moHlaHchugh chaq
jIjeStaH. 'ach BG jIHtaHvIS Sabpu' laHwIj. not jIreHmo' reHmeH laH
vIlIjpu'. taghwI'pu'vaD mu'tay' nap vIlo'mo' mu'tay' chu', mu'tay'
le' je vIlIjpu'. BG jIHbe'DI' SabchoH je pabmeH laH.
qep'a' loSmaH loSDIchDaq:
ghunchu'wI': nuqDaq ghaH Qov'e'?
wejmaH Hut nem BG: 'Iv ghaH Qov'e'?
ghunchu'wI': jatlhbe'bogh be' lang Daleghbe'pu'? ravDaq ba'taH,
boltaHvIS?
BG: tachDaq ghaH. vIleghDI' luSujbogh nuvpu' HIvlI'. vISuvbe'moHmeH
ghaHvaD qagh vInob.
ghunchu'wI': maj. QorghnIS vay'.
Hmm. qagh tuje'taHchugh chaq qabqu'be' ghu'vetlh.
> qayajchu'. wa' nem HolDaq jIHaH'egh vIneH, 'ach > yejHaD
vItoy'nISmo' reH
> jatlhchu'be'wI'pu' vIma'nIS. qaStaHvIS qep'a' > vaghDIch, pImjaj
ghu'wIj.
> qorDu'wIj vIma'nIStaH, 'ach chaq boQDu' > gheSqangchugh latlhpu'
jIQuch.
ghunchu'wI', qaStaHvIS loSmaH chorgh rep tlhIngan Hol neH vIjatlh,
'ach DIvI' Hol vIjatlhqangtaHvIS qorDu'lIj mughwI' vItoy'qangbej.
mughmeH latlhwIj vIDub vIneH. jatlhtaHvIS wa' jImughtaH vIneH, quq
mu'meywIj, Hal mu'mey je vIneH. ngoQwIj 'oH.
> 'IwlIj jachjaj! 'Iwmaj'e' jachjaj!
jach 'IwwIj 'e' vIlay'be' 'ach jajbej ghoghwIj.
Sut chu' vIchenmoHlI' je. vIta'ta'chugh vItuQ. yabwIjDaq qu' 'oH.
SutmeyvaD qechmey qu' vI'oghlaH 'ach *sew*meH laHwIj vIDubnISmo',
Sutna' mojtaHvIS qech jImoSnIS.
> jISeyqu'choH. maqIHchuqpa', ravDaq bIQonglI'. > bIQongqa' not 'e'
vIlegh.
jIpaw. tlhIngan Hol vIjatlhchoH. DIvI' Hol jatlhbe'taH Hoch 'ej
jIDoy'qu'mo' jIQongchoH. pawDI' Hol jatlhqangwI'pu' jIvem 'ej not
Qongbe'taHvIS chaH jIQong.
_________________________________________________________
DO YOU YAHOO!?
Get your free @yahoo.com address at http://mail.yahoo.com