tlhIngan-Hol Archive: Wed Jul 01 16:10:59 1998
[Date Prev][Date Next][Thread Prev][Thread Next]
RE: Hoghmey vItoghchoH - jISey 'ej jIbIt
lab ghunchu'wI':
>
> tagh tera' jar Soch. cha'maH wa' leS qaSchoH qep'a' vaghDIch.
>
> jISeybej. qaStaHvIS vagh jaj maja'chuqmeH tlhIngan Hol wIlo'lI'!
> mutlhejmo' qorDu'wIj tlhIngan Hol neH vIlo' net chaw'be'. Do'Ha'.
> be'nalwI'vaD puqloDwI'vaD je jImughnIS. 'ach Dachchugh chaH, rut
> DIvI' Hol vIyajbe'qanglaw'. :-)
>
> loQ jIbIt je. law' jatlhchu'wI'. quvwIj vIpolmeH jIqeqnISba'.
> 'ach jIbuDpu'. pIj HeH veng vISuchbe'pu'. ghItlh tIq vIqonbe'pu'.
> jIQummeH ghogh vIlo'be'pu'. jIvumtaHvIS jIqeqlaHbe'. tay'taHvIS
> qorDu'wIj ghot jIqeqlaHbe'. jIQongtaHvIS jIqeqlaHbe'. qep'a'Daq
> jIlengtaHvIS jIqeqlaHbe'. qub jIqeqmeH 'eb. raghpu''a' laHwIj?
>
rejmorgh yIDaQo'. QInmey DaqonmeH tlhIngan Hol Dalo'chu'taH. Quch QuchDaq
qaghompu' 'ej maja'chuqlaHbej. chaq pa' qaSpa' qep'a' maghomqa'. ghoghlIj
Dalo'taHvIS tlhIngan Hol Dalo'be'chu''a'? jIja''eghtaH 'ej bIja''egh 'e'
vIloy. ja'chuqghach qaq law' ja''eghghach qaq puS net Sov, 'ach lI'
ja''eghghach.
wejmaHHu' jISeychoH jIH. QI'lop loSlI'bogh puq vIrur. jIloSlaHbe'law'. rut
be'nalwI'vaD jImon 'ej loQ jISup 'ej <jISey> jIjatlh. roD mubuSHa'.
wa'ben jIjatlhlaHchu'be'mo' jIjeSlaHchu'be'. vIja'lu'taH <qep'a'Daq nom Dub
laHlIj>. qep'a' vItIvqu' 'ach Dubqu'be' laHwIj. rInDI' qep'a' juHwIjDaq
jIchegh 'ej taH yInwIj. jIqeqtaH. QIt DubtaH laHwIj 'e' vIHar. 'ach
qaSpu'DI' loS jar SIbI' vay' vItlhoj. jImughnISbe'choH. jIlaDlaHchoHchu'.
nom ghur mu'tay'wIj. qep'a'mo' Dubqu'bej laHwIj, 'ach jIpaSlaw' ;-)
jIjatlhchoHlaHchu'pu' 'e' vIHar 'ej tugh laHwIj chu' vIwaHlaHchu'.
jIloSlaHbe'ba'.
pagh Seyqu'