tlhIngan-Hol Archive: Fri Jan 30 19:06:18 1998
[Date Prev][Date Next][Thread Prev][Thread Next]
ghunchu'wI'
- From: "Andeen, Eric" <[email protected]>
- Subject: ghunchu'wI'
- Date: Fri, 30 Jan 1998 20:16:24 -0700
QInvamDaq *ghunchu'wI'* vIqelbe'. yaHwIj ghunwI'pu' vIqel.
DaH yaHwIjDaq jIratlh, 'ej paSchoH rep. ratlh wej latlh, 'ej Qu' pav
luta'. javmaHHu' Qu'vam wIghov, 'ach loQ wIbuSHa'. ta' 'e' nID wa'
ghunwI' neH, 'ej ta'taHbe' (*1). Do'Ha' po'qu'be' ghunwI'vam, 'ej
QapHa'taH jInmol. DaHjaj jInmolvam qelchoH *VB* ghunchu'wI', 'ej ghaytan
DaHjaj QapchoHchu'. nIb Hoch ghunwI' pIj 'e' luHarlaw' vu'wI' law', 'ach
teHbe'bej. ghunchu'wI' lo'laH law' wa'vatlh ghunwI' QIv lo'laH puS.
jIDo': yaHwIjDaq jaS Har vu'wI'pu'. naDev po'qu'be' wa' ghunwI' neH, 'ej
pIjHa' qay' ghu'vam. naDev batlh jIvumlaH.
paSmo' rep, *pizza* telDu' je wISop, 'ej DIl pInwI' ('ach wej ngoDvam
Sov). ja' pInwI' pIn: <paSchoHchugh rep 'ej SuvumtaHchugh, Soj yISuq.
DIl malja'.> QaQ ghu'vam: 'uQ vISop 'e' vIpIHbe', 'ach 'uQ vISop 'ej
vIDIlnISbe'.
SKI: pagh describes a late Friday night at work, but is happy that the
company paid for dinner.
pagh
*1 - In disagreement with Krankor recent column, I have used -taHbe' to
mean discontinuous.