tlhIngan-Hol Archive: Thu Jan 29 13:12:52 1998
[Date Prev][Date Next][Thread Prev][Thread Next]
Re: naDev Qov tu'lu''a'?
According to Alan Anderson:
>
> Qov ja' SuSvaj:
> >pongwIj, SuStel pong je ngu'laHlaw' latlhpu', vaj bIH Dangu'laHbej.
>
> rurchuqlaw' pongmey, 'ach latlh Seng tu'lu'.
> rurchuqlaw' SuStel mu'mey SuSvaj mu'mey je.
jaS jIHar. pImqu' SuStel mu'mey SuSvaj mu'mey je. chaq loQ
SuStel lut qech rurlaw' SuSvaj lut qech, 'ach pImqu' jatlhmeH
mIw. SuSvaj vItIch vIneHbe'bej 'ach SuStel mIw QaQ law' SuSvaj
mIw QaQ puS. mIwDaj Dubqu'lI'ba' SuSvaj 'ej ghItlhDaj
vItIvqu'bej, 'ach SuStel laH ngo' law' SuSvaj laH ngo' puS.
wej taghwI' pabpo' moj SuSvaj. wej qep'a'vaD lut'a' tlhaQ jatlh
SuSvaj. SuSvaj juH bIr law' SuStel juH bIr puS. *video*mey ru'
ngev SuStel. ngaQwI' ghorpu' SuSvaj. DaQ ghaj SuSvaj. pImqu'.
> rut qonwI' vIloylaH. pIm nuvmey "style"-mey.
> "Anthony Appleyard" ghItlh vIlaDDI' reH ghaH vIghov.
bIngorlaH. pImba' *editor*.
> pIj "Ken Traft" mu'mey vIngu'laH.
> motlh charghwI' ghItlh peHruS ghItlh Qov ghItlh vIghov.
ngeD. roD jIH QeH law' Hoch QeH puS. jInong je. jIjum.
> 'ach tlhoS rap SuStel tIgh SuSvaj tIgh je.
jIQoch.
> qonwI' vIngu'meH, jIqImnIS.
> SaHmo' SuStel pawpa' SuSvaj, ghaytan qonta' SuStel roD 'e' vIQubrup.
DaH bIqar 'e' vIHar.
> -- ghunchu'wI'
charghwI'