tlhIngan-Hol Archive: Sat Jan 17 09:06:31 1998
[Date Prev][Date Next][Thread Prev][Thread Next]
Re: muD bIr vImuSqu'!!!!!!!!
- From: "William H. Martin" <[email protected]>
- Subject: Re: muD bIr vImuSqu'!!!!!!!!
- Date: Sat, 17 Jan 1998 12:06:52 -0500 (Eastern Standard Time)
- Priority: NORMAL
On Sun, 11 Jan 1998 15:17:06 -0800 (PST) SuSvaj
<[email protected]> wrote:
>
> wa'Hu' ram, juHwIjDaq, lopHom tu'lu'. tInbe' wanI'vam, SaH juppu' puS neH.
> *pizza* wISop, 'ej *video* jIHlutmey wIbej. pawpa' mebpu'wI, vay' potlh
> vItlhoj. 'ojchugh mebpu', chaHvaD pagh vIghaj! toH, DujwIj vItIj, 'ej Soj
> Suyqach vIghoS. potlh DayajnIS. DaH, naDev bIrqu' muD, bortaS rurbej!
ghu'lIj Do'mo' ghu'wIj vItIv. naDev tuj muD. pem muDwIj tuj
law' javmaH *degree* tuj puS. tIqlIj yISop. {{:)>
> SuyqachDaq vIpawDI', DujwIj vI'elHa' 'ej qach vI'el. wa' 'awje' bal, wa'
> *coke*na' bal je vIje', 'ej DujwIjDaq vIchegh. 'ach DeghwI' lojmIt
> vIpoSmoH 'e' vInIDDI', vIHbe' lojmIt jay'! taDlaw' ngaQwI'! pagh
> vIpoSmoHlaH. taDbej DeghwI' lojmIt, raQpo' lojmIt, tep ngaSwI' lojmIt je.
Do'Ha'.
> DaH jIQeHqu'choH!
Do'Ha'qu'. qubbogh ghu' QaHlaH QeH, 'ach pIj ghu' DubHa' QeH.
bIQeHchugh ghaytan vay' Daghor.
> mu'qaDmey vIjach, lojmIt vIpup, 'ach Qap pagh.
not 'oy'laH lojmIt. chaq ghorchoHlu' 'ach not 'oy'. Dapupchugh
chaq bI'oy''eghmoH pagh chaq lojmIt Daghor, 'ach not lojmIt
Da'oy'moH 'ej not jegh lojmIt.
DaHjaj Do Qe' jan (vending machine) vIlo' 'e' vInID. wa'
*quarter* vInob 'ej Daq mujDaq jaH 'e' vIQoy. Soj munobQo'
janvam. *quarter*wIj munobQo' je. jIQeHchoH. jIpupchu'. latlh
*quarter* vInob 'ej SIbI' chegh. vInobqa' 'ej SIbI' cheghqa'.
jIpupqa'. vInobqa' 'ej SIbI' cheghqa'. jIpupqa'. jIpupqa'chu'.
jIpup 'e' vItIvchoH. jImon 'ej jIpupchu'qa'.
not *quarter*wIj jIHev 'ach jISaHbe'. jIpupchu'meH wanI'
vIDIlqang.
> vaj qech
> vIghaj. *lighter* vIje', 'ej ngaQHa'wI'wIj vItujmoH 'e' vInID. 'ach luj
> qechvam. bIrqu'mo' muD, chenlaHbe' qul!
toH! *butane* qul jan Daje'. bIrchugh janvam, SIp mojQo'
*butane* taS. ngaSwI'Daq ratlh. chenbe' qul. qul naQ DapoQ.
> toH ngaQHa'wI'wIj vIlo' 'e'
> vInIDqa'.
bIQeHDI' qab qechvam.
> 'ach 'e' vIta'DI', jIvangHa'bej 'e' vItlhoj. ghor ngaQHa'wIj!
Do'Ha'.
> DaH pagh nuHmey tu'lu'. juHwIjDaq jIcheghmeH jIyItnISbej. toH, qaStaHvIS
> loSmaHvagh tup jIyIt. jIghungqu', jIDoy'qu', 'ej jIbIrqu'bej. 'ach QeH
> 'oH nInwIj'e' vaj jIyIttaH. juHwIjDaq jIpawDI', jIpaSqu', 'ach Do' pa'
> juppu'wI tu'lu'. chaHvaD wanI'meywIj Do'Ha' vIQIj, 'ej *pizza* wISop.
rut *pizza* qaq law' bortaS qaq puS.
> DaH Soj Suyqach vergh DaqDaq DujwIj tu'lu'. lojmItmeyDaj vIpoSmoHmeH,
> wa'leS ngaQHa' chenmoHwI' vISIchnIS. muDvam vImuSqu'! vImuS, vImuS,
> vImuS!!!!!!!!!!!
muDwIj vItIv, vItIv, vItIv!!!!!
> SuSvaj
charghwI'