tlhIngan-Hol Archive: Fri Jan 16 19:15:45 1998
[Date Prev][Date Next][Thread Prev][Thread Next]
"Titanic" chov SuSvaj
DaHjaj tlhIHvaD jIHlut "Titanic" chov SuSvaj
pong noyqu' 'oH "Titanic"'e'. ghaytan lutvam Sov Hoch. bIQ'a' Duj tInqu',
Do'Ha'qu' je 'oH Titanic'e'. bIQ'a'Daq lengtaHvIS Dujvam, chuch'ay''a' qIp
Duj, 'ej bIQ'a' ravDaq pum. Sovlu'chu' lutvam, 'ej Titanic jIHlutmey law'
tu'lu'bej. 'ach jIHlutvam nIv law', Hoch nIv puS.
taghDI' jIHlut, *Titanic* pIgh nuDtaH 'op loDpu'. tev'a' wamwI'pu' chaH
loDpu'vam. *Titanic*Daq ghIgh lo'laHqu' tu'lu' 'e' Har chaH. ghIghvamDaq
naghboch noy tu'lu', "bIQ'a' tIq" 'oH naghvam pong'e'. naghbochvam lo'laH
law', *Hope diamond" lo'laHpuS. Qu'chaj ta'meH, qoq nejwI'mey lo'taH
wamwI'pu', 'ach naghboch SamlaHbe' chaH. 'ach latlh Doch Daj Sam chaH.
nav ngo'qu' Sam. 'oHDaq be' 'IHqu' *picture* tu'lu', 'ej bIQ'a' tIq tuQtaH
be'vam. Do', yIntaH be'vam, 'ach DaH qanqu' ghaH. wamwI'pu' DujDaq leng
be' qan, 'ej chaHvaD lutDaj ja' ghaH.
lut naQ vIghItlhlaHbe'ba', 'ej 'e' vIta'chugh, Satoy'Ha'bej. 'ach po'bej
DawI'pu', 'ej SeymoHbej lut. QaQ *effect*mey le'. bang lut QaQqu' ghajmo'
jIHlutvam, vImerlu'. 'e' vIpIHbe'. nuvpu' lutmey bIHbe' latlh *Titanic*
jIHlutmey vIleghpu'bogh'e'. motlh *documentery*mey rur bIH. 'ach muDuQbej
lutvam. loQ 'IQ lut, 'ach vItIvbej. vIchupqu'.
SuSvaj, jIHlut chovwI''a'