tlhIngan-Hol Archive: Fri Jan 16 13:29:03 1998
[Date Prev][Date Next][Thread Prev][Thread Next]
Re: yagh chenmoHlu'bogh
According to Andeen, Eric:
>
> ... jIboghpu'DI', mulon muboghmoHpu'bogh be''e'. be'vam
> vISovbe'chu'; jIboghpu'DI' not maghomqa'. be'vam vIpIchbe'bej. chaq
> jInenbe'taHvIS muQorghlaHbe'. chaq muneHbe'. chaq rop. chaq Hegh. jIHvaD
> ram. jIQupqu'taHvIS juHchajDaq mutlhap vavna'wI' SoSna'wI' je.
> jInenbe'taHvIS muQorghtaH. jIHvaD jIlaD 'e' ghojmoH SoSwI'. reH
> mutungHa'qu'taH. chaHmo' batlhna' vIghoj. muboghmoHbe' vavna'wI'
> SoSna'wI' je, 'ach vIquvmoHtaH. ram muboghmoHbogh be'. potlhqu'
> SoSna'wI' vavna'wI' je.
>
> pagh
>
bIDo'qu'. yInlIj toDba' SoSna'lI' vavna'lI' je. batlhna' nInob.
chaq SoH Do' law' jIH Do' puS, 'ach jIDo' je. chaq loQ yInwIj
Qatlh law' yInlIj Qatlh puS, 'ach latlhpu' law'vaD yInwIj ngeD
law' jInchaj ngeD puS. jIbepbe'nIS.
wa'Hu' ram jImI'qa'. Dun QoQ. Dun mI'wI'pu' je. muparHa'law'
wa' mI'wI' 'IH. chaq wanI'meywIj ghu'wIj je Dub San. DaHjaj ram
jImI'qa'. qa'wIj Dub wanI'meyvam.
charghwI'