tlhIngan-Hol Archive: Fri Feb 27 12:32:28 1998
[Date Prev][Date Next][Thread Prev][Thread Next]
Re: Language change & staying current
- From: [email protected] (Alan Anderson)
- Subject: Re: Language change & staying current
- Date: Fri, 27 Feb 98 15:26:46 EST
ja' peHruS:
>In a message dated 98-02-26 10:29:33 EST, ghunchu'wI' insults:
chay' jItIchta'? qatlh chopum?
><< toH, cha' ben jabbI'ID Damuchqanglaw'. chaq charghwI' DatIch DaneH. >>
>chotIch neH, ghunchu'wI'
qatIch 'e' vIHechbe'bej. qatIchta' 'e' vIleghbe'bej. charghwI'
mu'meyHey DaghItlh, 'ach DaghItlhchu'be'mo' charghwI' DaDoghmoHlaw'.
meqlIj vISovbejbe'; jIloy neH.
<peD> Daqellaw'. nIteb vang wotvam pIj 'e' Damaq. peD pagh 'e'
DaHarlaw'. peD neH. bIngachlaw'meH charghwI' mu'mey ngo'qu' Damuch.
SuQochbe' SoH charghwI' 'e' DaHar'a'? DaHjaj SaH charghwI'. DaHjaj
vuDDaj DatlhoblaH.
>cha' ben jabbI'IDmeyvam muchlu'
jabbI'IDvam ngo' Damuch SoH'e', peHruS...
_t_o_H_!_
va, pay' Seng vItu'. choyajHa'pu'. chaq jIQIjlaH DIvI' Hol
vIlo'be'taHvIS. jIQIj 'e' vInIDqu'bej:
cha' ben qaS wanI' wa'DIch. jabbI'ID lab charghwI'.
cha' ben, jabbI'ID much charghwI'.
cha' Hu' qaS wanI' cha'DIch. charghwI' jabbI'ID ngo' lab peHruS.
cha' Hu', _cha' ben jabbI'ID_ much peHruS.
>choHtaH Holmaj qelbogh qechmeymaj DaHjaj vImuchqa' neH
mu'tlheghHeyvam vIyajbe'. cha' wotna' vIlegh, 'ej pab DaHechbogh
vIngu'laHbe'. "punctuation" Dalo'be'qa'ta''a'? mojaq Danoppu''a'?
mu'mey DalanHa'pu''a'? lughchugh mu'mey, wej DuHHey vIlegh:
"It is changing; I just resume presenting our ideas'
today which considers our language."
"Our language is changing; I just resume presenting our ideas' today
which consider."
taQqu'mo <qechmeymaj DaHjaj>, cha' DuHmeyvam'e' vIpolHa'.
"Our ideas which consider our languages are changing. Today I just
resume presenting it."
Qaplaw' DuHvam, 'ach Doch Damuchbogh vISovbe'.
-- ghunchu'wI'