tlhIngan-Hol Archive: Wed Feb 25 07:48:06 1998

Back to archive top level

To this year's listing

• Index by Date
• Index by Thread
• Index by Author

No Subject

• From: "William H. Martin" <[email protected]>
• Date: Wed, 25 Feb 1998 10:46:37 -0500 (Eastern Standard Time)
• Priority: NORMAL

qaSpu' Dunbogh wanI' Huj 'ej meq Hujqu'mo' jIQuch.

bangwI' moj bangwI' mojlaHbe'bogh be''e' neHlaw' ghaH. ghaytan 
not choHmo' ghu', bang vIHutlhtaH 'ach tISchoH tIqwIj. vogh 
vIneHlu'taH. yap. yapnIS. Dotlhvam 'oH Hoch vIghajlaHlaw'bogh.

ghu'vammo' QIt jImI'DI' jInajlaw'. mInDu'Daj vIleghlaH. 
QIt jIvIHtaHDI' DIr Hab vIHotlaw'. tlhoS jImonchoH 'ej QIt 
jImI'taH. ghoghDaj vIQoylaw' 'ej jotqu'choH qa'wI'. QIt 
jImI'taH. vIlarghlaw' 'ej HoSchoH tIqwIj. QIt jImI'taH. chaq not 
nujDaj vImumlaH, 'ach be'vammo' QIt jImI'taHDI' jInajlaHchu'.

not tlhIngan Hol yajlaHbogh bang'e' vIghajmo', Do'Ha' rut 'e' 
vIHar. choHchugh ghu'vam, Holna' lo'taHvIS mu'meymaj DItIvqu'laH 
'e' vIpIH, 'ach not vItoblaH. Do'Ha'. lo'laHbe'bogh laH 
vIghajlaw'.

charghwI'

• Follow-Ups:
  • vIghro'
    • From: SuSvaj <[email protected]>

• Prev by Date: Re: yabwIj Qaghmey
• Next by Date: Re: your mail
• Prev by thread: Re: your mail
• Next by thread: vIghro'
• Index(es):
  • Date
  • Thread
  • Author

Back to archive top level