tlhIngan-Hol Archive: Tue Dec 22 08:46:26 1998
[Date Prev][Date Next][Thread Prev][Thread Next]
megh
- From: "William H. Martin" <[email protected]>
- Subject: megh
- Date: Tue, 22 Dec 1998 11:45:26 -0500 (Eastern Standard Time)
- Priority: NORMAL
SaghuH. Qatlhqu' QInvam 'ej ram. tlhIngan Hol Dajatlhchu'chugh
QInvam DatIv 'e' vItul, 'ach tlhoS tlhIngan Hol Dajatlhchugh
ghaytan DumoghmoH QInvam. yIbuSHa'.
DaHjaj 'eyHa' meghwIj. pIch vIghaj. nom vIvut. wa'Hu' ram wej
jIvut. pagh megh vIghaj DaHjaj po nIQ vIvutpu'DI' 'e' vItlhoj.
tIrSoj vIngoHmeH naHlet taplu'pu'bogh vIlo' vIneH 'ach bIrmo'
naHletvam taplu'pu'bogh, pI'bogh Hap chevlu'pu'. DungDaq
boSlu'pu' 'ej letchoHpu'. poH'e' poQbogh vIDuDqa'meH Qu'
vIghajbe'. yaHwIj vIghoSnIS. jIpaS vIneHbe'. DopDaq tujchoHmeH
naHlet vIlan. nom latlh vISam.
roghpu'bogh nIm Sub vItu'. pI'be'chu'. 'eyHa'chu', 'ach
vISopbe'chugh, nonchoH. vuS ghaj HuchwIj 'ej wagh Soj vaj Soj
vIDIlpu'bogh vISop reH 'e' vIlaj.
'ach 'ey tIrSoj. vISop 'ej vItIv. loQ QaD, 'ach vIyIvchu'chugh
vISIQbej. 'utbe' bel net Sov.
'oQqar Doq vISop je. lang 'ej tIq. baQmo' let. DaHjaj
jIyIvqu'taH. DaHjaj 'op wa'Hu' chatlh vIghaj 'ach wa'Hu' HochHom
chatlhvam vI'ep.
jItlhutlhmeH *Ginseng* 'awje' vIghaj. bal vIpoSmoHDI' bal
SoQmoHwI'Daq qeS vItu'. jatlh <<He'e' qonta'bogh pagh yIghoS.>>
muQubmoH.
yaHwIjDaq QInmey vIloStaHvIS, megh 'eq vISoptaH. chaq meghvam
vIqawmo' wa'leS meghwIj vIDub.
charghwI' 'utlh