tlhIngan-Hol Archive: Tue Dec 15 21:42:29 1998
[Date Prev][Date Next][Thread Prev][Thread Next]
Re: Mars nuv chaH loD; Venus nuv chaH be'
ja' charghwI':
>> qarbe'. Dochvam yISov: pIj choH neHbe' bepbogh be'.
>
>muyuv 'ej muja' <<yIvIHQo'!>> muyuvqa' 'ej muja'qa'
><<yIvIHQo'!>>...
yuvbe'taH. jatlhtaH neH. jatlhnISqu' be' motlh.
>jI'Ij neHchugh bangwI' vaj vay' vIQoy vIneHbogh jatlhnIS.
vaj chaq luj ghu'lIj.
be' DabelmoHmeH, bI'IjnIStaH, Dalchugh vay' jatlhbogh.
>lajchugh vaj lajnISchu'. bepchugh vaj lajchu'be'. lajbejbe'.
>lajbe'bej.
be' Dalaj neH be'. be' Da'uch neH be'. be' DabuS neH be'.
be'vaD qo' DalIS neHbe'.
>wo' 'IQ vIDab vIneHbe'. reH 'IQtaHchugh wo''e' mu'angbogh
>bangwI', vaj bangwI' chu' vIneH pagh jImobqa' vIneH.
motlh 'IQbe' bepbogh be'. bep neH. Sengna' 'oHbe' bepmoHbogh Doch'e'.
>vay' vItI'chugh pagh vay' vItI'be'chugh jISaHbe'. jIQuch vIneH
>neH. Quchqangchugh bangwI', jIQuch je. QuchQo'chugh bangwI' vaj
>wo'wIj vIneH. wo'Daj ghaj bangwI' 'e' vIchup. jIHvaD yIDelQo'.
ghaytan QuchtaH bepbogh be' 'e' DaghovnISchoH. qechvam DaSaHchugh,
paq yIlaD: "Men are from Mars, Women are from Venus". ghot motlhvaD
qar 'e' 'ol be'nalwI'. ghotpu' Sov ghaH.
>> QuchmeH be', lajna' neHlaw'.
>
>vaj yIlaj 'ej yIbepQo'!
bIyajHa'. be''e' lajlu' neHlaw'. beptaHvIS, beptaHghach DaQoy neH neHlaw'.
>rut jIlI'. rut jIlaj. jIQuch reH vIneH. jIQuch 'e' vIchavlaHbe'
>vaj jItaghqa'.
pupbe'chugh qo', roD bep be'. 'ach bepna' SIQbe'qu'. 'IQbe'.
QuchtaH. bepqoq tIvlaw' jay'.
>ghaytan, 'ach jIHvaD potlhqu' jIQuchtaHghach. wa'
>yInvaD yap jI'IQpu'ghach.
beptaHbogh be' Dayaj DaneHchugh, paq yIlaD. QaHbej.
-- ghunchu'wI'