tlhIngan-Hol Archive: Wed Dec 09 20:26:47 1998
[Date Prev][Date Next][Thread Prev][Thread Next]
Re: Doch vISIQ
ja' SIHwI':
>wej Hu' qach chu'Daq ghomwIj nulan malja'wIj.
SuDo'law'. chu' qachraj. javmaH Hu' wutlh ngo' DanchoH ghomwIj'e'.
vutpa' 'oHpu' Daqmaj'e' jay'! bIrmoHwI' tIn chu'Ha'lu'bogh teb
luchmaj wagh. chamwI' pa'Daq ghegh rav. rut rav QarghHomvo' nargh
He'So'bogh SIp.
>qach ngo' wImej 'ej vagh qelI'qam maleng neH.
maDo'law' maH. qach rap wIDan. wej patlhmeyDaq maghIr neH.
>DochvamvaD vIngoy'.
Dara'lu' 'ach bIngoy'. wejpuH. ngoy'nISba' ra'wI''e'!
>De'wI'meymaj DIDubnIS.
><token ring card> jomHa' De'wI' jonwI'pu' 'ej <ethernet card> jom chaH.
"Ethernet" QaQ law' "Token ring" QaQ puS net Harlaw'. jum.
motlh nIv "Token ring" Do. "Token ring" lo'na' noHlaHchu' vay'.
Qatlh "Ethernet" lo'na' noHmeH Qu'.
qatlh jom jonwI''e'? yapbe''a' chamwI'?
(chaq "Windows" De'wI' bIHmo' po'qu'nIS jomwI'.)
>qay' Doch law' 'ach Doch tI' jonwI'pu'. DaHjaj De'wI' Hoch Qap.
maj. Qapmo' Hoch SuDo'qu'.
>not Dochvam maSIQqa' vIneH!
QaQ choH. De'wI'raj Dublu'pu'. chu' qachraj. qay' nuq?
-- ghunchu'wI'